Марый (імператар)

Марк Аўрэлій Марый (лац.: Marcus Aurelius Marius) — другі імператар Гальскай імперыі, які стаў на чале дзяржавы пасля забойства Марка Постума яго ўласнымі салдатамі.

Марк Аўрэлій Марый
лац.: Marcus Aurelius Marius
2-і Імператар Галіі
269 — 269
Папярэднік Марк Касіяній Лаціній Постум
Пераемнік Марк Піявоній Віктарын
Нараджэнне невядома
Смерць 269(0269)
Род узурпатар
Дзейнасць палітык
Лагатып Вікісховішча Медыяфайлы на Вікісховішчы

Месца і год нараджэння Марыя невядомы, але меркавана ён паходзіў з простай сям'і. Асноўныя крыніцы сыходзяцца ў тым, што ён быў кавалём і ў арміі займаў невысокую пасаду. Чаму ён быў абвешчаны імператарам не зусім ясна, мабыць ён быў проста часовым стаўленікам і салдаты падтрымалі яго кандыдатуру пасля таго, як ён дазволіў разрабаваць Магантыяк. Верагодна таксама, што ім магло спадабаецца імя Марк Аўрэлій Марый, з прычыны таго, што яно нагадвала адразу пра двух вялікіх рымлян мінулага — Марка Аўрэлія і Гая Марыя.[1][2]

Паводле паданняў, ён кіраваў усяго два ці тры дні, аднак у рэальнасці кіраванне Марка Аўрэлія Марыя доўжылася амаль тры месяцы. За гэты час ён паспеў прымірыць легіёны Леліяна і войскі Постума, а таксама актыўна выкарыстоўваў два манетных двара для чаканкі манеты са сваім профілем. Аднак неўзабаве ён быў забіты, верагодна, з асабістых матываў.[1][2] Існуе легенда, што ён быў забіты мячом сваёй жа ўласнай вытворчасці.[3] Вядома, што ўжо ў жніўні 269 года імператарам быў абвешчаны Віктарын.

Адразу па смерці Постума, ад Гальскай імперыі аддзялілася Іспанія і ні Марый, ні наступныя імператары не мелі сіл і магчымасцей вярнуць яе назад. Марк Аўрэлій Марый — адзін з так званых Трыццаці тыранаў, якія згадваюцца ў Гісторыі Аўгустаў.

Зноскі