Мора Кракена

Мора Кракена (лац.: Kraken Mare) — найбуйнейшае вуглевадароднае мора Тытана (спадарожніка Сатурна). Знаходзіцца ў паўночным паўшар'і, каардынаты: 68°00′ пн. ш. 310°00′ з. д.68,0° пн. ш. 310,0° з. д. / 68.0; -310.0 Мора было выяўлена ў 2007 годзе зондам Касіні і праз год было названа ў гонар Кракена — міфічнага марскога монстра. З дапамогай радыёлакацыйнай здымкі было ўстаноўлена, што мора Кракена вуглевадароднае.

Мора Кракена лявей цэнтра здымка, а правей Мора Пунгі (абодва моры выдзелены сінім)

Здымак паўночнага паўшар'я Тытана. Мора Кракена ў ніжняй левай частцы выявы

Дыяметр мора 1170 км, плошча каля 400 000 км². Такім чынам, мора Кракена блізка па памерах да Каспійскага мора на Зямлі. У паўночнай частцы мора знаходзіцца востраў Майда Інсула.

У рамках планаванай місіі па даследаванню Тытана, зондам будзе вызначаны дакладны хімічны састаў і глыбіня Мора Кракена.

Спасылкі

• Карта паўночнага полюсу Тытана (англ.)
• Азёры Тытана (англ.)