Мікалай Васілевіч Мартынаў
Мікалай Васільевіч Марты́наў (1 жніўня 1957, в. Гудава Зямянскае, Дубровенскі раён) — буйны беларускі прадпрымальнік, заснавальнік, уладальнік 90 % акцый, і генеральны дырэктар СТАА «Марка», Заслужаны работнік прамысловасці Рэспублікі Беларусь. З 2004 года член Савета Рэспублікі Нацыянальнага сходу Рэспублікі Беларусь.
| Мікалай Васілевіч Мартынаў | |
|---|---|
| Дата нараджэння: | 1 жніўня 1957 (66 гадоў) |
| Месца нараджэння: | |
| Грамадзянства: |
 Рэспубліка Беларусь |
| Кампанія | СТАА «Марка» |
| Пасада | генеральны дырэктар; уладальнік |
| Узнагароды і прэміі | |
Біяграфія правіць
З 1978 года памочнік майстра Віцебскай панчошна-трыкатажнай фабрыкі «КІМ». У 1990 годзе эксперт камерцыйнага аддзела сумеснага беларуска-германскага прадпрыемства «Белвест». У 1991 годзе скончыў Інстытут паліталогіі і сацыяльнага кіравання Камуністычнай партыі Беларусі, палітолаг, выкладчык сацыяльна-палітычных дысцыплін.
У 1991 годзе разам з трыма кампаньёнамі заснаваў вытворча-камерцыйную фірму «ЛМ + МК», якая спецыялізавалася на вытворчасці і аптовым продажы вырабаў з штучнага футра. У 1994 годзе арганізаваў вытворчасць мужчынскага абутку пад таварным знакам «Марка».
Выбіраўся членам Савета Рэспублікі Нацыянальнага сходу Рэспублікі Беларусь трэцяга — шостага скліканняў. Быў дэпутатам Віцебскага абласнога Савета дэпутатаў 25-га і 26-га скліканняў[1].
15 сакавіка 2021 года ўвайшоў у склад Канстытуцыйнай камісіі, якая ў мэтах ажыццяўлення рэзалюцыі шостага Усебеларускага народнага сходу распрацоўвае прапановы па змяненні Канстытуцыі Беларусі і забяспечвае іх усенароднае абмеркаванне[2].
Сям’я правіць
Жанаты, мае сына і дачку.
Сын — Павел Мартынаў, дырэктар «Сан-Марка». Дачка Мартынава Раіса Мікалаеўна, намеснік генеральнага дырэктара СТАА «Марка». Малодшы брат Віктар Мартынаў, менеджар у кампаніі, былы дэпутат Віцебскага гарсавета.
Узнагароды правіць
Дзяржаўныя правіць
- «Лепшы прадпрымальнік Рэспублікі Беларусь у сферы вытворчасці» (1997).
- «Лепшы прадпрымальнік Віцебскай вобласці» (1997—1999).
- «Лепшы прадпрымальнік-арганізатар працоўных месцаў» (2001).
- «Лепшы прадпрымальнік-падаткаплатнік» (2001).
- Ганаровая грамата Савета Міністраў Рэспублікі Беларусь (2001).
- Медаль «За працоўныя заслугі».
- Юбілейны медаль «60 год Перамогі ў Вялікай Айчыннай вайне 1941—1945 гг.»
- Юбілейны медаль «90 год Узброеных Сіл Рэспублікі Беларусь»
- Юбілейны медаль «65 год вызвалення Рэспублікі Беларусь ад нямецка-фашысцкіх захопнікаў»
Царкоўныя правіць
Зноскі
- ↑ Мартынаў Мікалай Васільевіч Архівавана 18 жніўня 2020.
- ↑ Указ Президента Республики Беларусь 15 марта 2021 г. № 105 «О Конституционной комиссии» (руск.)(недаступная спасылка) (17 сакавіка 2021). Архівавана з першакрыніцы 28 снежня 2021. Праверана 20 сакавіка 2021.
- ↑ Свидетельство № 5-02/089 от 29 сентября 2018 года «О награждении Мартынова Николая Васильевича, генерального директора управляющей компании холдинга «Белорусская кожевенно-обувная компания «Марко», Орденом преподобной Евфросинии Полоцкой.»(недаступная спасылка)