Мікіта Пятровіч Кароткін

Мікі́та Пятро́віч Каро́ткін (15 красавіка 1906, в. Сапрынавічы Магілёўскай губерні, Расійская імперыя (цяпер у Мсціслаўскім раёне Магілёўскай вобласці) — невядома) — савецкі партыйны дзеяч, былы першы сакратар Віцебскага абласнога камітэта КП(б) Беларусі.

Мікіта Пятровіч Кароткін
Намеснік міністра хлебапрадуктаў БССР 1956 — 1969
5-ы Першы сакратар Віцебскага абласнога камітэта КПБ студзень 1954 — верасень 1956
Другі сакратар Віцебскага абласнога камітэта КПБ ліпень 1952 — студзень 1954
Намеснік міністра сельскай гаспадаркі БССР 1951 — 1952
Другі сакратар Гродзенскага абласнога камітэта КП(б) Беларусі 1947 — 23 жніўня 1948
Нараджэнне	15 красавіка 1906(1906-04-15) Сапрынавічы, Сапрынавіцкі сельсавет, Мсціслаўскі раён, Беларусь
Смерць	невядома невядома
Партыя	КПСС
Адукацыя	Жлобінскі аграпедтэхнікум (1930), Вышэйшая партыйная школа пры ЦК УКП(б) (1951)
Дзейнасць	палітык
Узнагароды

Біяграфія

З сялянскай сям’і. У 1930 годзе скончыў Жлобінскі аграпедтэхнікум. Працаваў настаўнікам у Слуцкім раёне.

З 1932 года на партыйнай і гаспадарчай рабоце.

У 1940 годзе быў прызначаны першым сакратаром Жабінкаўскага райкама КП(б) Беларусі.

У часы Вялікай Айчыннай вайны партызаніў на Магілёўшчыне.

Улетку 1947 года быў прызначаны другім сакратаром Гродзенскага абласнога камітэта КП(б) Беларусі, а пасля заканчэння Вышэйшай партыйнай школы пры ЦК УКП(б) стаў намеснікам міністра сельскай гаспадаркі Беларускай ССР і адначасова начальнікам палітычнага сектара Міністэрства сельскай гаспадаркі.

З 1952 года быў прызначаны спачатку другім, а пасля першым сакратаром Віцебскага абласнога камітэта КПБ.

У 1956—1969 гадах — намеснік міністра хлебапрадуктаў БССР.

Дэпутат Вярхоўнага Савета СССР (1954 — 1958).

Ушанаванне памяці

Яго імем названа вуліца ў горадзе Жабінка.

Спасылкі

• Анатоль БЕНЗЯРУК. «Наш» Кароткін альбо Праца над памылкамі (нявызн.)(недаступная спасылка). Сельская праўда (15 студзеня 2015). Архівавана з першакрыніцы 14 красавіка 2021.
• Біяграфія (руск.)