Мілаван Капар

Мілаван Капар (нар. 5 жніўня 1991, Таронта) — канадскі футбаліст сербскага паходжання, абаронца славацкага клуба «Акадэмія Гамшыка» з Банскай-Бістрыцы.

Мілаван Капар
Нарадзіўся	5 жніўня 1991(1991-08-05) (32 гады) Таронта, Антарыа, Канада
Грамадзянства	Канада Сербія
Рост	186 см
Вага	77 кг
Пазіцыя	абаронца
Інфармацыя пра клуб
Клуб	Акадэмія Гамшыка
Маладзёжныя клубы
2009—2013 Рэтрыверс
Клубная кар’ера
2014 Кадыс 0 (0) 2014 П’ешцяны 2015 Дукла (Банска-Бістрыца) 13 (1) 2015—2016 Шпорт (Подбразава) 9 (1) 2016—2017 ВіОн (Злата-Мораўцы) 26 (1) 2017—2018 Хапаэль (Хадэра) 12 (0) 2018—2019 Гомель 39 (0) 2019—2020 Бухара 15 (0) 2020—2021 Атлетыка Атава 27 (0) 2022 Пагронне (Ж’яр-над-Гронам) 4 (0) 2022— Акадэмія Гамшыка (Банска-Бістрыца)

Клубная кар’ера

Пачынаў займацца футболам у Канадзе, пазней гуляў за ўніверсітэцкую каманду «Рэтрыверс». З 2014 года пачаў выступаць у Еўропе, на працягу трох гадоў гуляў у чэмпіянаце Славакіі. У першай палове сезона 2017/18 гуляў у другім дывізіёне Ізраіля за «Хапаэль» з Хадэры.

У лютым 2018 года прыбыў на прагляд у беларускі клуб «Гомель» і неўзабаве падпісаў кантракт. Замацаваўся ў стартавым складзе каманды. Сезон 2019 таксама пачынаў у аснове, часам выконваў функцыю капітана каманды, аднак пазней стаў часам заставацца на лаўцы запасных. У ліпені 2019 года пакінуў «Гомель» і неўзабаве папоўніў склад «Бухары».

У жніўні 2020 года стаў іграком клуба «Атлетыка Атава» з канадскай Прэм’ер-лігі. У студзені 2022 года зноў адправіўся ў Славакію, далучыўшыся да «Пагроння», а ў ліпені 2022 года перайшоў у «Акадэмію Гамшыка».