Мін Аун Хлаін
Мін Аун Хлаін[3] (бірм.: မင်းအောင်လှိုင်; нар. 3 ліпеня 1956) — бірманскі ваенны дзеяч, генерал, галоўнакамандуючы Узброеных сіл М’янмы з 30 красавіка 2011, арганізатар ваеннага перавароту 1 лютага 2021[4][5][6].
| Мін Аун Хлаін | |
|---|---|
| бірм.: မင်းအောင်လှိုင် англ.: Min Aung Hlaing | |
_(cropped).jpg) | |
| Дата нараджэння | 3 ліпеня 1956[1] (67 гадоў) |
| Месца нараджэння | |
| Жонка | Kyu Kyu Hla[d][2] |
| Дзеці | Aung Pyae Sone[d] і Khin Thiri Thet Mon[d] |
| Альма-матар |
|
| Грамадзянства | |
| Род войскаў | Tatmadaw[d] |
| Званне | генерал і Senior General[d] |
| Бітвы/войны | |
| Узнагароды і званні |
    |
 Медыяфайлы на Вікісховішчы | |
Біяграфія правіць
Нарадзіўся 3 ліпеня 1956 года ў горадзе Тавой, цэнтры м’янманскай правінцыі Тэнасэрым (Танітаі). Яго бацька, Таун Хлаін — грамадзянскі інжынер, працаваў у Міністэрстве будаўніцтва.
Мін Аун Хлаін скончыў сярэднюю школу № 1 раёна Лата горада Рангун, а затым вывучаў юрыспрудэнцыю ў Рангунскім універсітэце мастацтваў і навук з 1972 па 1973 год, перш чым паступіць у 1974 годзе ў Акадэмію абароннай службы. Па заканчэнні акадэміі, ён атрымаў (у 1977 годзе) чын малодшага лейтэнанта м’янманскага войска.
Ваенная служба Мін Аун Хлаіна праходзіла спачатку ў м’янманскім штаце Мон, а затым у штаце Шан, размешчаным у неспакойных месцах, якія з’яўляюцца часткай так званага Залатога трохвугольніка. Там, спалучаючы ваенную сілу і перамовы, ён паспяхова супрацьстаяў двум групоўкам мясцовых сепаратыстаў: Аб’яднанай арміі Ва (UWSA) і Арміі нацыянальна-дэмакратычнага альянсу (NDAA).
Агульнадзяржаўныя СМІ шырока загаварылі аб Мін Аун Хлаіне ў 2009 годзе, пасля таго як ён ужо ў чыне генерала ўзначальваў паспяховае наступленне ўрадавых войскаў супраць сепаратыстаў з М’янманскай арміі нацыянальна-дэмакратычнага альянсу (MNDAA; не варта блытаць з згаданай вышэй NDAA) у Какане.
У чэрвені 2010 года Мін Аун Хлаін змяніў генерала Швэ Мана на пасадзе начальніка аб’яднанага штаба арміі, флоту і ВПС. 30 сакавіка 2011 года ён стаў новым галоўнакамандуючым узброенымі сіламі М’янмы, змяніўшы Тан Швэ.
3 красавіка 2012 года ўрад М’янмы абвясціў, што Мін Аун Хлаін быў павышаны да намесніка старэйшага генерала, стаўшы другім па старшынстве ваеначальнікам ва Узброеных Сілах М’янмы. У сакавіку 2013 года ён быў павышаны да старэйшага генерала.
На гэтай пасадзе генерал працягнуў паспяхова супрацьстаяць, па-першае, сепаратысцкім групоўкам на поўначы краіны, і па-другое, наплыву нелегальных імігрантаў з суседняга Бангладэша ў памежны рэгіён Ракхайн на крайнім паўднёвым захадзе краіны, што некаторымі заходнімі СМІ прыхільна пазіцыянавалася, як «генацыд мусульман-рахінджа». У ліпені 2019 года ўрад ЗША на падставе гэтых прэтэнзій забараніў яму ўезд у Злучаныя Штаты. У снежні 2020 года супраць Мін Аун Хлаіна, дзеючага галоўнакамандуючага ўзброенымі сіламі М’янмы, урадам ЗША былі ўведзеныя эканамічныя санкцыі.
1 лютага 2021 года пад пачаткам Мін Аун Хлаіна адбыўся ваенны пераварот, падчас чаго зрынуты прэзідэнт Він М’ін. Часовым кіраўніком дзяржавы прызначаны М’ін Швэ.
1 жніўня 2021 года стаў прэм’ер-міністрам краіны — кіраўніком часовага ўрада.
Сям’я правіць
Жанаты і мае некалькі дзяцей.
Зноскі
- ↑ а б Munzinger Personen
- ↑ https://economictimes.indiatimes.com/news/defence/commander-in-chief-of-myanmar-defence-forces-visits-eastern-naval-command/articleshow/59565317.cms?from=mdr Праверана 11 верасня 2022.
- ↑ zviazda.by
- ↑ Myanmar coup: Aung San Suu Kyi detained as military seizes control (1 лютага 2021).
- ↑ "အရေးပေါ်ကာလ ဆောင်ရွက်ပြီးစီးပါက ရွေးကောက်ပွဲ ပြန်လည်ကျင်းပ၍ အနိုင်ရပါတီအား နိုင်ငံတော်တာဝန်ကို လွှဲအပ်ပေးနိုင်ရေး ဆောင်ရွက်မည်ဖြစ်ကြောင်း တပ်မတော်ထုတ်ပြန်" [бірманская]. 1 February 2021.
- ↑ Myanmar military seizes power, detains elected leader Aung San Suu Kyi. Архівавана з першакрыніцы 1 February 2021. Праверана 1 February 2021.