Міхал Домашка

Мі́хал До́машка (в.-луж.: Michał Domaška, 23 чэрвеня 1820 года, вёска Комараў каля г. Будышын, Саксонія — 7 чэрвеня 1897 года, вёска Кетліцы каля г. Любій, Саксонія) — лютэранскі святар, сербалужыцкі пісьменнік і паэт.

Міхал Домашка
Michał Domaška
Асабістыя звесткі
Дата нараджэння	23 чэрвеня 1820(1820-06-23)
Месца нараджэння	Комараў[d], Königswartha[d], раён Баўтцэн, Саксонія
Дата смерці	7 чэрвеня 1897(1897-06-07) (76 гадоў)
Месца смерці	Кетліцы[d], Лёбау[d], раён Гёрліц[d], Саксонія
Пахаванне	Friedhof Kittlitz[d]
Грамадзянства	Каралеўства Саксонія
Дзеці	Франц Морыц Домашка
Прафесійная дзейнасць
Род дзейнасці	пісьменнік, духоўнік, лютэранскі пастар
Мова твораў	верхнялужыцкая
Грамадская дзейнасць
Член у	Маціца серба-лужыцкая

Біяграфія

Нарадзіўся 23 сакавіка 1820 года ў лужыцкай вёсцы Комараў каля Будышына ў сялянскай сям'і. У 1835—1842 гадах навучаўся ў гімназіі ў Будышыне. Падчас навучання быў адным з заснавальнікаў студэнцкага брацтва «Societas Slavica Budissinensis». У 1842—1845 гадах вывучаў тэалогію ў Лейпцыгу. Пасля навучання быў пасвечаны на святара. У 1846—1849 гадах быў вікарыем у лютэранскім прыходзе ў Дэльні-Вуездзе. У 1847 годзе быў адным з заснавальнікаў сербалужыцкай культурна-асветніцкай арганізацыі «Маціца сербская». Падпісаў устаноўчы заклік «Wulku próstwu Serbow». В 1849 годзе быў прызначаны настаяцелем. У 1887—1897 гадах рэдактар лютэранскага часопіса «Misionski Posol». На гэтай пасадзе знаходзіўся да выхаду на пенсію ў 1892 годзе.

Падчас рэвалюцыі 1848 года прытрымліваўся ліберальных поглядаў. Публікаваў свае артыкулы ў газеце «Tydźenska Nowina», якую выдаваў Ян Арнашт Смолер.

У 1882 годзе апублікаваў у літаратурным часопісе «Łužica» пад псеўданімам Шыман (Šyman) аўтабіяграфічную аповесць «Bratřik a sotřička» (Брацік і сястрычка).

Напісаў верш «Naše serbstwo z procha stawa» (Наша сербства з праху паўстане), якое часта выкарыстоўвалася сярод лужычан у якасці неафіцыйнага гімна ў часы нацысцкага рэжыму.

Сканаў 7 чэрвеня 1897 года ў сербалужыцкай вёсцы Кетліцы.

Бацька лютэранскага пастара і сербалужыцкага пісьменніка Франца Морыца Домашкі.

Сачыненні

• Adwentska harfa, Budyšin, 1864;
• Póstna harfa, Budyšin, 1865;
• Zionske hłosy, Budyšin, 1868.

Літаратура

• Česko-lužicke styky v 1.polovině 19. století// Česko-lužický věstník, 2007, стр. 54
• Jan Cyž: Domaška, Michał// Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 115.
• Nekrolog XXXIV Архівавана 24 верасня 2015., Časopis Maćicy Serbskeje, 1898, стр. 53 — 58

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх