Міхаіл Абрамавіч Зораў

Міхаіл Абрамавіч Зораў (сапр. Штоклянд; 1903 — 28 ліпеня 1942, Мінскае гета) — беларускі акцёр і рэжысёр. Заслужаны артыст БССР (1938).

Міхаіл Абрамавіч Зораў
Дата нараджэння	1903(1903)
Дата смерці	28 ліпеня 1942(1942-07-28)
Месца смерці	Мінскае гета, Мінск, Генеральная акруга Беларусь, Рэйхскамісарыят Остланд
Прафесія	акцёр, рэжысёр
Узнагароды

Біяграфія

Сцэнічную дзейнасць пачаў у расійскіх тэатрах.

З 1926 акцёр, потым рэжысёр БДТ-1 (тэатр імя Я. Купалы). Крытыка адзначала тонкі псіхалагізм Зорава, яго вобразам уласцівы інтэлектуальна-лагічны пачатак у спалучэнні з лірычнасцю і эмацыянальнасцю. Найбольш вядомыя ролі: Войшалак («Вір» Я. Рамановіча), Камісар («Мяцеж» паводле Д. Фурманава), Евель Цывін («Бацькаўшчына» К. Чорнага), Платон Крэчат (аднайменная п'еса А. Карнейчука). Як рэжысёр здзейсніў пастаноўкі: «Лён» Е. Міровіча (1931, разам з аўтарам), «Працяг будзе» А. Бруштэйн (1934), «Музыканцкая каманда» Д. Дэля (1936), «Платон Крэчат» (1936), «Апошнія» М. Горкага (1937), «Кацярына Жарнасек» М. Клімковіча (1938).

У 1941 мастацкі кіраўнік Беларускага тэатра юнага гледача.

Пачатак вайны застаў у Мінску. Змешчаны акупацыйнай адміністрацыяй у Мінскае гета, дзе і загінуў.

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. ISBN 985-11-0279-2