Міхаіл Рымінскі
Міхаіл Рымінскі (1769, Ігумен) — танцоўшчык, спявак і драматычны акцёр[1].
| Міхаіл Рымінскі | |
|---|---|
| Дата нараджэння | 23 снежня 1769, 1770 ці 1769 |
| Месца нараджэння | |
| Дата смерці | не раней за 1795 ці 1 студзеня 1797 |
| Месца смерці | |
| Прафесія | акцёр, танцор, спявак |
Біяграфія правіць
Нарадзіўся ў 1769 годзе ў Ігумене. Прыгонны А. Тызенгаўза[1]. Быў акцёрам у Тэатры Антонія Тызенгаўза.
Пасля смерці А. Тызенгаўза ў 1785 годзе паводле яго завяшчання «15 танцорак і 18 танцораў» сталі ўласнасцю караля Станіслава Аўгуста Панятоўскага і ў складзе балетнай трупы пераехалі ў Варшаву. З гэтага часу танцоўшчыкі і танцоўшцыцы А. Тызенгаўза сталі ядром «Таварыства танцоўшчыкаў яго каралеўскай вялікасці»[1].
Міхаіл Рымінскі выступаў на каралеўскіх сцэнах, як драматычны акцёр і спявак у «прадстаўленнях французскіх» у Нацыянальным тэатры. Магчыма, у 1795 годзе працаваў у варшаўскіх антрэпрызах С. Галніцкага і К. Аўсінскага[1].
Творчая дзейнасць правіць
Пачаў акцёрскую дзейнасць у Тэатры Антонія Тызенгаўза. У 1795—1797 гадах у балетнай трупе ў Львове. У часы Станіслава Аўгуста быў найбольш папулярным балетным артыстам, выконваў партыі гераічнага плана[1].
Сярод партый: Гілас («Гілас і Сільвія» Ф. Гасэка), Капітан Сандор («Капітан Сандор на востраве Караліна»), Алонза («Кора і Алонза» І. Г. Наўмана), Адоніс («Венера і Адоніс»), Марк Антоній («Клеапатра і Марк Антоній»)[1].