Норчэпінг

Норчэпінг (шведск.: Norrköping) — горад у Швецыі, прыкладна за 160 км на паўднёвы захад ад Стакгольма, у правінцыі Эстэргётланд і аднайменным лене, у якім паводле колькасці насельніцтва ён саступае толькі Лінчэпінгу, а таксама цэнтр камуны Норчэпінг. Насельніцтва — 87 247 чалавек (2010).

Горад Норчэпінг шведск.: Norrköping Герб Норчэпінгская ратуша Краіна Швецыя Лен Эстэргётланд Каардынаты 58°36′ пн. ш. 16°12′ у. д. Першая згадка 1283 Плошча 34.78 км² Вышыня цэнтра 0 м Насельніцтва 128 060  чалавек (2009) Шчыльнасць 2403 чал./км² Часавы пояс UTC+1, летам UTC+2 Тэлефонны код 011 Афіцыйны сайт norrkoping.se (шведск.)(англ.) Норчэпінг на карце Швецыі

Медыяфайлы на Вікісховішчы

Гісторыя

Норчэпінг. Будынак «Прас», у якім размешчаны Музей Працы.

Норчэпінг атрымаў гарадскія прывілеі ў 1384. Росквіт горада прыйшоўся на XVII стагоддзе, калі нідэрландскі (з сучаснай Бельгіі) прадпрымальнік Луіс дэ Геер заснаваў тут між іншым, папяровую фабрыку, некалькі фабрыкаў па вытворчасці зброі, вопраткі, а таксама майстэрню караблёў. У гэты час Норчэпінг быў другім паводле колькасці насельніцтва горадам Швецыі (цяпер толькі дзясяты). У 1719, у часе Вялікай Паўночнай вайны горад быў разбураны і разрабаваны расійскімі войскамі, аднак пасля вайны і да канца XIX стагоддзя, працягваў заставацца другім паводле значнасці горадам краіны. У тым самым 1719 годзе ў Норчэпінгу была заснавана найстарэйшая з існых дагэтуль у Швецыі газетаў Norrköpings tidningar. У XIX стагоддзі горад становіцца і значным цэнтрам вытворчасці тэкстылю, і толькі ў 1970-я гг. страчвае свае пазіцыі ў гэтым кірунку. У XXI стагоддзі Норчэпінг, разам з суседнім Лінчэпінгам утварае чацвёрты паводле колькасці насельніцтва і эканамічнай значнасці Рэгіён Вялікіх гарадоў Швецыі.

Транспарт

Норчэпінг, разам са Стакгольмам і Гётэбаргам з'яўляецца адным з трох гарадоў Швецыі, якія маюць свой трамвай.

Славутасці

Норчэпінг. Клумба кактусаў у парку Карла Юхана.

• Ратуша (1907—1910 гг.)
• Царква Ядвігі (Hedvigkyrka, 1673, пабудавана на месцы былога замка)
• Царква Олафа (1765—1767)
• Парк Карла Юхана з помнікам гэтаму каралю і сусветнавядомай клумбай кактусаў (высаджваецца штогод у летні час)
• Музей працы
• Музей мастацтваў
• Музей петрогліфаў у раёне Гімельсталюнд
• Руіны замка Юханісбарг (1614, разбураны рускімі ў 1719)

Гарады-пабрацімы

• Эслінген-на-Некары, Германія
• Клаксвуйк, Фарэрскія астравы
• Коўпавагур, Ісландыя
• Лінц, Аўстрыя
• Одэнсэ, Данія
• Рыга, Латвія
• Тамперэ, Фінляндыя
• Тронхейм, Нарвегія

Вядомыя асобы

• Беата Розенхейн (1638—1674) — шведская баранэса і пісьменніца.

Спасылкі

• На Вікісховішчы ёсць медыяфайлы па тэме Норчэпінг
• Камуна Норчэпінг