Пагада Дацынь
Пагада Дацынь (кіт. 大秦塔) у раёне Чжоўчжы (кіт.: 周至县) кітайскай правінцыі Шэньсі каля горада Сіянь — найстаражытная хрысціянская царква на Далёкім Усходзе. Узведзена хрысціянамі-нестарыянамі (прадстаўнікі Асірыйскай царквы) прыблізна ў 640 годзе. Першапачаткова ўваходзіла ў склад манастыра.
| Славутасць | |
| Пагада Дацынь | |
|---|---|
 | |
| 34°02′49″ пн. ш. 108°18′00″ у. д.HGЯO | |
| Краіна |
 Кітай |
| Месцазнаходжанне | |
| Дата заснавання | VII стагоддзе |
 |
|
 Медыяфайлы на Вікісховішчы | |
У VIII стагоддзі атрымала назву «Дацынь» — так старажытныя кітайцы называлі Рымскую імперыю і Візантыю. Падчас пераследаў хрысціян у Кітаі (каля 845 г.) храм прыйшоў у запусценне. У XIV стагоддзі збудаванне аблюбавалі будысцкія манахі, якія пакінулі яго ўслед за землетрасеннем 1556 года, што заваліла падземныя пераходы і нанеслі вялікую шкоду будынку. У 1998 годзе кітайскі ўрад прызнаў пагаду адным з нешматлікіх захаваных помнікаў нестарыянскага хрысціянства ў Кітаі і ўзяло яе пад ахову, прысвоіўшы статус аб'екта нацыянальнага здабытку Кітая.
На сценах помніка дагэтуль можна разглядзець выявы Ражства Хрыстова і Іёны пад сценамі Ніневіі. Таксама захаваліся асобныя надпісы на сірыйскай мове. У наш час захаванасці пагады пагражаюць не столькі землетрасенні, колькі перыядычныя паводкі. У 1999 годзе была праведзена касметычная рэстаўрацыя; падчас новых прац мяркуецца расчысціць пахаваныя ў XVI стагоддзі падземныя залы.
Каля пагады ўсталявана на чарапасе-бісі копія так званай «Нестарыянскай стэлы», збудаванай у 781 годзе прадстаўнікамі той жа Асірыйскай царквы. Арыгінал стэлы знаходзіцца ў музеі «Лес стэл». У трох кіламетрах на ўсход ад пагады знаходзіцца знакаміты храмавы комплекс Лаўгуаньтай.
Літаратура правіць
- Thompson, Glen L. Christ on the Silk Road.