Падгорацкі замак

Падгорацкі замак (укр.: Підгорецький замок, польск.: Zamek w Podhorcach) - помнік архітэктуры эпохі позняга Рэнесансу і барока, размешчаны ў вёсцы Падгорцы Бродыўскага раёна Львоўскай вобласці Украіны.

Замак
Падгорацкі замак
Підгорецький замок
49°56′35″ пн. ш. 24°59′00″ у. д.
Краіна	Украіна
Вёска	Падгорцы Бродыўскі р-н Львоўскай вобл.
Архітэктурны стыль	рэнесанс, барока
Архітэктар	Андрэа дэль Аква
Заснавальнік	Станіслаў Канецпольскі
Дата заснавання	1635
Будаўніцтва	1635—1640 гады
Медыяфайлы на Вікісховішчы

Гісторыя

Замак быў пабудаваны на працягу 1635-1640 гадоў пад кіраўніцтвам архітэктара Андрэа дэль Аква па загадзе кароннага гетмана Станіслава Канецпольскага. Замак з'яўляецца адным з лепшых у Еўропе узораў спалучэння рэнесанснага палаца з бастыённымі ўмацаваннямі.

Пасля заврешення будаўніцтва сын гетмана падарыў гэты палац каралю Яну III Сабескаму. Затым замак належаў сям'і палкоўніка Станіслава Жавускага і графу Грабікоўскаму. Да 1939 года ў замку размяшчаўся музей князёў Сангушкаў, а ў 1940 годзе замак перадалі Львоўскаму гістарычнаму музею. У 1940-1980-х гадах тут функцыянаваў санаторый для хворых на сухоты, а сам замак знаходзіўся ў аварыйным стане. У 1997 годзе палац перадалі Львоўскай галерэі мастацтваў. Сёння ў замку ідзе рэстаўрацыя.

Размяшчэнне і планіроўка

Замак размешчаны на краі раўніннага плато, на адным з адгор'яў Падольскага ўзвышша, на вышыні 399 м над узроўнем мора, непадалёк ад даліны вярхоўяў ракі Стыр. Паўднёвая частка плато ў гэтым месцы раўнінная, менавіта ў яе бок накіраваны ўмацаванні замка і ўязная брама, а ў бок Бродыўскай раўніны — палац, з вокнаў якога адкрываецца цудоўны выгляд. Падчас добрага надвор'я мясцовасць на поўнач праглядаецца на дзясяткі кіламетраў.

Замак мае форму квадрата, бок якога роўны прыкладна 100 метрам. Па ягоных вуглах размешчаны пяціканцовыя бастыёны.

Замак пабудаваны з цэглы і каменя. Паміж унутранай і вонкавай сценамі замка ўладкаваныя казематы. Выбрукаваны гладкімі каменнымі плітамі дах казематаў ўтварае тэрасы, агароджаныя балюстрадамі. Гэтыя тэрасы, відавочна, выкарыстоўваліся для прагулак, а ў выпадку ваеннай неабходнасці — для размяшчэння гармат. З усходу, поўдня і захаду замак апаясвае паласа абарончых умацаванняў, важнымі элементамі якой з'яўляюцца глыбокі, абліцаваны каменем роў і земляныя валы.

Галерэя

• 
  Фасад замка і брама
• 
  Тыльны фасад
• 
  Палац
• 
  Унутраны двор
• 
  Парк
• 
  Сходы
• 
  Бастыён

Спасылкі

• [1] — УНІАН: Підгорецький замок - окраса Львівщини