Паўлінью

Жазэ Паўлу Безера Масіел Жуніяр (парт.: José Paulo Bezerra Maciel Júnior), больш вядомы як Паўлінью або Паўлінья (парт.: Paulinho; нар. 25 ліпеня 1988, Сан-Паўлу, Бразілія) — бразільскі футбаліст, паўабаронца клуба «Карынтыянс». Ігрок нацыянальнай зборнай Бразіліі (2011—2018).

Паўлінью
Агульная інфармацыя
Поўнае імя	Жазэ Паўлу Безера Масіел Жуніяр
Мянушкі	Paulinho, Herói Corinthiano
Нарадзіўся	25 ліпеня 1988(1988-07-25) (35 гадоў) Сан-Паўлу, штат Сан-Паўлу, Бразілія
Грамадзянства	Бразілія
Рост	182 см
Вага	71 кг
Пазіцыя	паўабаронца
Інфармацыя пра клуб
Клуб	Карынтыянс
Нумар	15
Маладзёжныя клубы
2004—2005 МФК Партугеза 2006 Пан дэ Асукар
Клубная кар’ера
2006 Пан дэ Асукар 2006—2007 Вільнюс 38 (5) 2007—2008 ЛКС Лодзь 22 (1) 2008—2009 Пан дэ Асукар 39 (7) 2009—2010 Брагантына 28 (6) 2010—2013 Карынтыянс 86 (20) 2013—2015 Тотэнхэм Хотспур 45 (6) 2015—2017 Гуанчжоу Эвергранд 63 (17) 2017—2018 Барселона 34 (9) 2018 →  Гуанчжоу Эвергранд 19 (13) 2019—2021 Гуанчжоу Эвергранд 49 (31) 2021 Аль-Ахлі 4 (2) 2022— Карынтыянс 1 (0)
Нацыянальная зборная
2011—2018 Бразілія 56 (13)
Узнагароды і медалі
Кубкі канфедэрацый Золата Бразілія 2013
Медыяфайлы на Вікісховішчы

Клубная кар’ера

У дарослым футболе дэбютаваў у 2006 годзе выступамі за «Пан дэ Асукар», аднак амаль адразу перайшоў у літоўскі клуб «Вільнюс». У літоўскім клубе правёў упэўнены сезон, аднак у камандзе пачаліся праблемы з фінансамі. Пасля «Вільнюса» мог апынуцца ў складзе беларускага «Нёмана», але кіраўніцтва гродзенскага клуба адмовілася ад набыцця бразільца, і той перайшоў у польскі ЛКС (Лодзь). У чэмпіянаце Польшчы ён правёў 17 матчаў, пасля чаго вярнуўся ў «Пан дэ Асукар», які выступаў у 4-м дывізіёне Лігі Паўлісты.

У 2009 годзе перайшоў у клуб «Брагантына», які выступаў у Серыі B, дзе зарэкамендаваў сябе добрым паўабаронцам. Сваёй гульнёй за апошнюю каманду прыцягнуў увагу прадстаўнікоў трэнерскага штаба «Карынтыянса», у склад якога далучыўся ў 2010 годзе. Ад гэтага моманту пачалася сапраўды зорная кар’ера паўабаронцы. Разам з «Карынтыянсам» Паўлінью стаў чэмпіёнам Бразіліі і пераможцам Кубка Лібертадорэс.

6 ліпеня 2013 года англійскі «Тотэнхэм» пацвердзіў падпісанне Паўлінью пасля таго, як ён паспяхова прайшоў медыцынскаае абследванне. Як паведамляецца трансфер каштаваў «шпорам» крыху менш за 17 млн фунтаў.

29 чэрвеня 2015 года кітайскі клуб «Гуанчжоу Эвергранд» абвясціў аб падпісанні чатырохгадовага кантракта з бразільцам. Сума трансферу склала 14 млн еўра. З «Гуанчжоу Эвергранд» двойчы стаў чэмпіёнам Кітая, выйграў азіяцкую Лігу чэмпіёнаў. У студзені 2017 года падоўжыў кантракт з клубам да 2020 года.

У жніўні 2017 года за суму адступных у 40 млн еўра перайшоў у «Барселону». Разам з каталонскай камандай выйграў чэмпіянат і Кубак Іспаніі. У ліпені 2018 года на правах арэнды вярнуўся ў «Гуанчжоу Эвергранд». У студзені 2019 года быў выкуплены кітайскім клубам у «Барселоны».

У чэрвені 2021 года пакінуў «Гуанчжоу Эвергранд» па пагадненні бакоў з-за пандэміі COVID-19, а ў ліпені далучыўся да саудаўскага клуба «Аль-Ахлі», аднак ужо ў верасні кантракт з клубам быў разарваны. У пачатку 2022 года папоўніў склад «Карынтыянса».

Міжнародная кар’ера

14 верасня 2011 года дэбютаваў у афіцыйных матчах у складзе нацыянальнай зборнай Бразіліі.

Дасягненні

«Карынтыянс»

• Чэмпіён Бразіліі: 2011
• Уладальнік Кубка Лібертадорэс: 2012
• Пераможца Рэкопы Судамерыкана: 2013
• Пераможца клубнага чэмпіянату свету: 2012
• Чэмпіён штата Сан-Паўлу: 2013

«Гуанчжоу Эвергранд»

• Чэмпіён Кітая (3): 2015, 2016, 2019
• Уладальнік Кубка Кітая: 2016
• Уладальнік Суперкубка Кітая (2): 2016, 2017
• Пераможца Лігі чэмпіёнаў АФК: 2015

«Барселона»:

• Чэмпіён Іспаніі: 2018
• Уладальнік Кубка Іспаніі: 2018

Бразілія

• Уладальнік Кубка канфедэрацый: 2013

Спасылкі

• На Вікісховішчы ёсць медыяфайлы па тэме Паўлінью