Плывунцы

Плывунцы́ (Dytiscidae) — сямейства водных насякомых атрада цвердакрылых.

Плывунцы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Adephaga Надсямейства:  Dytiscoidea Сямейства:  Плывунцы
Міжнародная навуковая назва
Dytiscidae Latreille, 1802
Тыпавы род
Dytiscus
Падсямействы
Agabinae Colymbetinae Copelatinae Coptotominae Dytiscinae Hydrodytinae Hydroporinae Laccophilinae Lancetinae Matinae
Сістэматыка на Віківідах Выявы на Вікісховішчы ITIS   111963 NCBI   50515 EOL   7447 FW   346388; 69189

Апісанне

Даўжыня да 5 см. Цела авальнае, чорнае, іншы раз з жоўтымі плямамі або палосамі, верх крапінкавы або шчыгрынаваны. Галава шырокая, вусікі 11-членікавыя, ніткападобныя. Брушка з 14 сегментаў. Заднія ногі доўгія, плавальныя, пярэднія каротхія, хапальныя. Дыхаюць паветрам, якое ўтрымліваюць пад надкрыламі.

Арэал

Адрозніваецца каля 4000 відаў. Пашыраны ўсюды, акрамя Антарктыды. На Беларусі каля 100 відаў, найбольш трапляюцца балацянік буры (Colymbetes fuscus), падводнік выразна-крапінкавы (Hygrotus impressopunctatus), паласкун баразнаваты (Acilius sulcatus), плывунец аблямаваны (Dytiscus marginalis), ціннік аблямаваны (Ilybius fuliginosus); плывунец шырачэнны (Dytiscus latissimus) занесены ў Чырвоную кнігу Беларусі.

Спосаб жыцця

Драпежнікі. Некаторыя віды знішчаюць лічынак камароў-крывасмокаў, іншыя — малявак рыб.

Развіццё з поўным ператаарэннем. Акукліваюцца ў глебе паблізу вады.

Літаратура

• Максімава С. Плывунцы // Беларуская энцыклапедыя: У 18 т. Т.12: Палікрат — Праметэй / Рэдкал.: Г. П. Пашкоў і інш. — Мн.: БелЭн, 2001. — Т. 12. — 560 с. — 10 000 экз. — ISBN 985-11-0198-2.