Прыгнечанасць
Прыгнечанасць (маркота; лац.: depressio) — адмоўнае афектыўнае пачуццё, што суправаджаецца зменай матывацыі і агульнай пасіўнасцю паводзінаў. Суправаджаецца асабіста цяжкімі і пакутлівымі перажываннямі (роспач, смутак і туга). Выклікае думкі аб уласнай адказнасці за непрыемныя і цяжкія падзеі ў асабістым жыцці і жыцці блізкіх людзей. Валявая дзейнасць і самаацэнка рэзка зніжаюцца. Бывае праявай душэўнай хваробы (дэпрэсія)[1].
Для збавення ад лёгкай формы дэпрэсіі дастаткова высыпацца, займацца спортам, імкнуцца больш часу праводзіць на вуліцы і ў коле сяброў. Пры больш цяжкіх формах неабходна звяртацца да спецыяліста.[2]
Зноскі
- ↑ Дэпрэсія ў псіхалогіі // Беларуская энцыклапедыя ў 18 тамах / Генадзь Пашкоў. — Мінск: Беларуская энцыклапедыя імя Петруся Броўкі, 1998. — Т. 6. — С. 354. — 576 с. — 10 000 экз. — ISBN 985-11-0106-0.
- ↑ Як справіцца з дэпрэсіяй