Прытча аб дзесяці дзевах
Прытча аб дзесяці дзевах (таксама вядомая як прытча пра мудрых і неразумных дзевах) — адна з самых добра вядомых прытчаў Ісуса. Прытча з'яўляецца толькі ў адным з кананічных Евангелляў Новага Запавету. Паводле Евангелля паводле Матфея 25:1-13, пяць дзяўчат, якія аказаліся гатовыя да прыезду жаніха былі ўзнагароджаны, у той час як іншыя пяць, якія былі не гатовыя, аказаліся адвергнутымі. Прытча мае выразны эсхаталагічны сэнс: Быць гатовымі да Суднага дня.
Прытча была адной з самых папулярных у часы Сярэднявечча, мела велізарны ўплыў на гатычнае мастацтва, скульптуру і архітэктуру нямецкіх і французскіх сабораў.
Біблейскае апавяданне правіць
У прытчы пра дзесяць дзевах, Ісус распавядае гісторыю пра вечарыну дзяўчат, магчыма сябровак нявесты, абраных для ўдзелу ў вяселлі. Кожная з дзесяці дзеваў нясе лямпу або паходню, паколькі яны чакаюць прышэсця жаніха ў нейкі момант на працягу ночы. Пяць дзяўчын мудрыя і прынеслі дадатковы алей (які быў палівам для лямпаў) для выпадка, калі чаканне зацягнецца даўжэй, чым меркавалася. Пяць іншых неразумныя і прынеслі толькі свае свяцільні і алей у іх.
Апоўначы, усе дзяўчыны чуюць крык, каб выйсці насустрач жаніху. Разумеючы, што іх лямпы патухлі, неразумныя панны просяць мудрых пазычыць ім алей, але апошнія адмаўляюцца, кажучы, што ім хопіць алея толькі для сваіх лямпаў. У той час як неразумныя дзяўчыны ідуць, каб купіць алей, вяртаецца жаніх, забірае разумных дзяўчат і зачыняе дзерь. Пачынаецца святкаванне. Астатнія дзяўчыны прыбываюць ужо падчас вяселля і іх на свята не пускаюць.
Змест прытчы:
Тады ўпадобіцца Царства Нябеснае дзесяцём дзевам, якія, узяўшы свяцільні свае, выйшлі сустрэць маладога. Пяць з іх было неразумных і пяць мудрых; неразумныя, узяўшы свяцільні свае, не ўзялі з сабою алею; а мудрыя ўзялі алею ў пасудзінах разам з свяцільнямі сваімі; і калі малады замарудзіўся, дык задрамалі ўсе і паснулі. Але апоўначы крык пачуўся: «вось, малады ідзе, выходзьце на сустрэчу яму». Тады ўсталі ўсе дзевы тыя і паправілі свяцільні свае. А неразумныя мудрым сказалі: «дайце нам алею вашага, бо свяцільні нашыя гаснуць». А мудрыя сказалі ў адказ: «каб не сталася недахопу і ў нас і ў вас, ідзеце лепей да прадаўцоў і купеце сабе». Калі ж пайшлі яны купляць, прыйшоў малады, і гатовыя ўвайшлі з ім на вяселле, і зачыніліся дзверы. Пасля прыходзяць і астатнія дзевы і кажуць: «спадару! спадару! адчыні нам». Ён жа сказаў ім у адказ: «праўду кажу вам: не ведаю вас». Дык вось, чувайце; бо не ведаеце ні дня, ні гадзіны, у якую прыйдзе Сын Чалавечы.
Тлумачэнне правіць
Прытча з'яўляецца адным з адказаў на пытанне, якое задалі ў Евангеллі паводле Матфея 24:3:
Калі ж сядзеў Ён на гары Аліўнай, дык прыступілі да Яго вучні асобна, кажучы: скажы нам, калі гэта будзе? і якая азнака Твайго прыходу і сканчэння веку?
Іншыя прыпавесці ў гэтай паслядоўнасці ўключаюць прытчу аб смакоўніцы (Мф. 24:32-35) і прытчу аб верным слузе (Матф. 24:42-51). Прытча аб дзесяці дзевах узмацняе заклік да гатоўнасці перад тварам нявызначанага часу другога прышэсця. Як і ў прытчы пра страчаную манету, гэта прытча пра жанчын, а за ёй ідзе прытча пра мужчын.
У гэтай прытчы Ісус Хрыстос ёсць жаніх, паўтараючы старазапаветную выяву Бога як жаніха ў Ераміі 2:2 і іншых тэкстах. Чаканая падзея з'яўляецца Другім Прышэсцем Хрыста. Прытча не крытыкуе дзяўчат за тое, што яны паснулі, бо заснулі ўсе, але за тое, што частка з іх аказалася негатовымі.
У мастацтве правіць
Гэтая прытча была папулярнай тэмай у жывапісе, скульптуры, музыцы і драме.
Прытча быў намаляваны ў некалькіх карцінах, у тым ліку на алтарах у Паўночнай Еўропе. Адным з апошніх прыкладаў з'яўляецца Тувэ Янсан (1954 г.). У 19 стагоддзі, мастакі Назарыцянскага руху таксама падхапілі гэту тэму.
Шматлікія скульптуры мудрых і неразумных дзеваў з'яўляюцца на французскіх саборах, у тым ліку:
- Амьенскі сабор
- Асэрскі сабор
- Ланскі сабор
- Сабор Парыжскай Божай Маці
- Рэймскі сабор
- Страсбургскі сабор
Выявы дзеваў часта сустракаецца на нямецкіх саборах, у тым ліку:
Дзевы таксама намаляваны ў саборах Швейцарыі і іншых краінах.
Прытча натхніла некалькіх кампазітараў на стварэнне рэлігійных музычных кампазіцый. Прытча сфарміравала змест гімна «Wachet auf, ruft uns die Stimme», Філіпа Нікалаі, які Іаган Себасцьян Бах, якая выкарыставаў для харальнай кантаты Wachet auf, ruft uns die Stimme, BWV 140. Прытча фармуе тэму для некалькіх гімнаў, у тым ліку гімна 19-га стагоддзя «Вось Жаніх ідзе» Джорджа Фрэдэрыка Рута. Евангельская блюз-песня «Хай твая ламва будзе гатовая і гатыць», заснаваная на прытчы, выконвалася шматлікімі вядомымі музычнымі выканаўцамі.
Прытча выкарыстоўвалася і ў нерэлігійнай музыцы. У 1920 годзе шведскі кампазітар Курт Аттэнберг выкарыстаў прытчу ў якасці тэмы балета «Мудрыя і неразумныя дзевы». Песня Джоні Кэша 2002 года «The Man Comes Around» заснавана на прытчы і ў значнай ступені абапіраецца на Біблію. У альбоме 1974 года групы Genesis — The Lamb Lies Down on Broadway песня The Carpet Crawlers зроблена па матывах прытчы. Амерыканскі кампазітар Эмілі Фрыман-Браўн напісаў араторыю на аснове прыпавесці.
З самых ранніх хрысціянскіх часоў, гісторыя аб дзесяці дзевах ігралася як містэрыя. Мяфодзій напісаў на грэчаскай мове містэрыю «Пір дзесяці дзеў». П'еса 11-га стагоддзя Sponsus была выканана як у лацінскай, дык і аксітанскай мовах. Нямецкая п'еса Ludus de decem virginibus была ўпершыню выкананая 4 мая 1321 года. Вядома таксама галандская п'еса позняга Сярэднявечча.
|
Прытча аб дзесяці дзевах на Вікісховішчы |
|---|