Пятрас Вайціекунас

Пя́трас Вайціеку́нас (літ.: Petras Vaitiekūnas; нар. 26 сакавіка 1953, Людзвінавас, Марыямпальскі раён) — літоўскі палітык і дыпламат; фізік па адукацыі; міністр замежных спраў Літвы з 12 ліпеня 2006 года да 9 снежня 2008 года.

Пятрас Вайціекунас
літ.: Petras Vaitiekūnas
міністр замежных спраў Літвы 12 ліпеня 2006 — 9 снежня 2008
Папярэднік	Antanas Valionis[d]
Пераемнік	Vygaudas Ušackas[d]
Нараджэнне	26 сакавіка 1953(1953-03-26) (71 год) Людзвінавас, Людзвінаваская апілінка[d], Марыямпальскі раён[d], Каўнаская вобласць[d], Літоўская ССР, СССР
Партыя	Lithuanian Peasant and Greens Union[d]
Адукацыя	Віленскі ўніверсітэт
Дзейнасць	дыпламат, фізік, палітык
Узнагароды
Медыяфайлы на Вікісховішчы

Біяграфія

У 1976 годзе скончыў факультэт фізікі Вільнюскага дзяржаўнага ўніверсітэта. У 1976—1990 гадах працаваў навуковым супрацоўнікам Інстытута фізікі Акадэміі навук Літоўскай ССР. У 1983 годзе ў Інстытуце фізікі абараніў дысертацыю на сушуканне навуковай ступені кандыдата прыродазнаўчых навук (пазней, у адпаведнасці з дзеючай у Літве наменклатурай навуковых ступеняў, ступень кандыдата навук была прыраўнавана да ступені доктара).

У 1990—1992 гадах быў дэпутатам Вярхоўнага Савета Літоўскай Рэспублікі. У 1992—1993 гадах — кансультант Старшыні Сейма Літоўскай Рэспублікі. У 1993—1998 гадах — старэйшы памочнік прэзідэнта Літоўскай Рэспублікі Альгірдаса Бразаўскаса па пытаннях знешняй палітыкі.

У 1994 годзе стажыраваўся ў Каледжы стратэгічных даследаванняў і эканомікі абароны Еўрапейскага цэнтра па вывучэнні пытанняў бяспекі імя Джорджа Маршала (Германія).

У 1998 годзе стаў кіраўніком аддзелам краін Цэнтральнай Еўропы Дэпартамента палітыкі ў Міністэрстве замежных спраў, затым працаваў саветнікам міністра замежных спраў Літвы (1998—1999).

Міністры замежных спраў з Кандалізай Райс. Пятрас Вайціекунас трэці злева

У 1999—2004 гадах займаў пасаду Надзвычайнага і Паўнамоцнага Пасла Літоўскай Рэспублікі ў Латвійскай Рэспубліцы. У 2004 годзе быў саветнікам прэзідэнта Літоўскай Рэспублікі Раландаса Паксаса па пытаннях знешняй палітыкі, пазней паслом па асобых даручэннях у Дэпартаменце аналізу і планавання знешняй палітыкі Міністэрства замежных спраў (2004—2005).

У 2005—2006 гадах — пасол Літоўскай Рэспублікі ў Рэспубліцы Беларусь. З 12 ліпеня 2006 года да 9 снежня 2008 г. — міністр замежных спраў Літвы. У 2008-2009 гадах — саветнік Старшыні Сейма Літвы Арунаса Валінскаса.

Са студзеня 2010 года па снежань 2014 — пасол Літоўскай Рэспублікі ва Украіне.

Валодае англійскай, латышскай, рускай мовамі.

Жанаты, трое дзяцей.

Спасылкі

• Пятрас Вайціекунас. Міністр замежных спраў (нявызн.). Афіцыйная біяграфія. Міністэрства замежных спраў Літоўскай Рэспублікі. Архівавана з першакрыніцы 17 сакавіка 2012. Праверана 12 жніўня 2008.
• Petras Vaitiekūnas (Minister of Foreign Affairs) (англ.)(недаступная спасылка). Government of the Republic of Lithuania. Архівавана з першакрыніцы 28 кастрычніка 2003. Праверана 12 жніўня 2008.