Вікіпедыя

Пётр Іванавіч Альсмік

Пётр Іванавіч Альсмік (27 лютага 1907, в. Выдрэя, Лёзненскі раён — 2 красавіка 1992) — беларускі селекцыянер-бульбавод. Акадэмік АН БССР з 1966 года, з 1956 года член-карэспандэнт, а з 1979 — акадэмік УАСГНІЛ, член-карэспандэнт Акадэміі сельскагаспадарчых навук ГДР з 1974 года, доктар сельскагаспадарчых навук з 1954[1] г. Герой Сацыялістычнай Працы.

Пётр Іванавіч Альсмік
Дата нараджэння 27 лютага 1907(1907-02-27)
Месца нараджэння
Дата смерці 2 красавіка 1992(1992-04-02) (85 гадоў)
Месца пахавання
Грамадзянства
Род дзейнасці навуковец
Навуковая сфера раслінаводства
Навуковая ступень доктар сельскагаспадарчых навук
Навуковае званне акадэмік НАНБ, прафесар
Альма-матар
Вядомы як селекцыянер-бульбавод
Партыя
Прэміі
Сталінская прэмія 3-й ступені Дзяржаўная прэмія СССР Сталінская прэмія
Узнагароды
Герой Сацыялістычнай Працы
Ордэн Леніна Ордэн Кастрычніцкай Рэвалюцыі Ордэн Працоўнага Чырвонага Сцяга Ордэн Працоўнага Чырвонага Сцяга
Ордэн Працоўнага Чырвонага Сцяга Ордэн Дружбы народаў Ордэн «Знак Пашаны»
Дзяржаўная прэмія СССР — 1951 Дзяржаўная прэмія СССР — 1974

Біяграфія правіць

П. І. Альсмік нарадзіўся ў вёсцы Выдрэя (сучасны пасёлак Выдрэя ў Лёзненскім раёне Віцебскай вобласці Беларусі). Скончыў Беларускую сельскагаспадарчую акадэмію ў 1929 годзе. Працаваў на Навазыбкаўскай сельскагаспадарчай доследнай станцыі, у 1931—1941 і ў 1944—1956 гг. навуковы супрацоўнік, загадчык групай, лабараторыі, намеснік дырэктара Беларускай селекцыйнай станцыі, з 1956 г. загадчык лабараторыі селекцыі бульбы Беларускага НДІ бульбаводства і плодаагародніцтва[1].

Навуковая праца правіць

Навуковыя даследаванні ў галіне селекцыі і насенняводства бульбы. Распрацаваў методыку селекцыі бульбы, якая дазваляе будаваць прагнозы паводзінаў новых гатункаў ў розных умовах, ствараць спрыяльныя рэжымы іх вырошчвання. Вывеў 10 высокаўраджайных гатункаў бульбы з добрымі смакавымі якасцямі і вялікім (да 26) адсоткам крухмалу: Агранамічны, Тэмп, Лошыцкі, Разварысты і іншыя[1].

Асноўныя працы правіць

Аўтар больш за 100 навуковых прац, у тым ліку 6 манаграфій[2].

Сярод апублікаваных:

  • Лучшие сорта картофеля для БССР. — Минск, 1948.
  • Семеноводство и апробация картофеля в БССР. — Минск, 1948.
  • Культура картофеля в Белорусской ССР.— Минск, 1953 (в соавт.).
  • Бульба. 2-е изд. — Мінск, 1955 (в соавт.).
  • Селекция картофеля в Белоруссии. — Минск, 1979.
  • Физиология картофеля. — М., 1979 (в соавт.).
  • Картофель: селекция, семеноводство, технология возделывания. — Минск, 1988.

Узнагароды правіць

Дзяржаўныя прэміі СССР 1951 і 1974 г. за вывядзенне, размнажэнне і ўкараненне ў вытворчасць высокапрадукцыйных сартоў бульбы[1][2]. Узнагароджаны ордэнамі Леніна (1966), Кастрычніцкай Рэвалюцыі (1977), ордэнамі Працоўнага Чырвонага Сцяга (1959, 1971, 1973), Дружбы народаў, «Знак Пашаны» (1987), залатым медалём імя І. В. Мічурына (1979), 4 залатымі і 3 сярэбранымі медалямі ВДНГ, шматлікімі медалямі СССР і БССР[2].

Зноскі

  1. ↑ а б в г Альсмик Пётр Иванович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с.
  2. ↑ а б в Акадэмік АЛЬСМІК Пётр Іванавіч (руск.)

Літаратура правіць

  • Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
  • Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 32. — 800 с. — 5 000 экз. — ISBN 985-11-0026-9.
  • Петр Иванович Альсмик (К 100-летию со дня рождения) // Весці НАН Беларусі. Сер. агр. навук. 2007. № 1.
  • Лысенко З. Основоположник отечественной школы селекции картофеля // Аграрная экономика. 2008. № 5.

Спасылкі правіць

Пётр Іванавіч Альсмік на сайце «Героі краіны»

Узята з "https://be.wikipedia.org/w/index.php?title=Пётр_Іванавіч_Альсмік&oldid=4483465"