Пётр Сідаравіч Сінчукоў
Пётр Сідаравіч Сінчукоў (1920—1987) — маёр Савецкай Арміі, удзельнік Вялікай Айчыннай вайны, Герой Савецкага Саюза (1945).
| Пётр Сідаравіч Сінчукоў | |
|---|---|
| Дата нараджэння | 11 ліпеня 1920 |
| Месца нараджэння | |
| Дата смерці | 10 кастрычніка 1987 (67 гадоў) |
| Месца смерці | |
| Грамадзянства | |
| Прыналежнасць | СССР |
| Род войскаў | авіяцыя |
| Гады службы | 1940—1956 |
| Званне |
 |
| Бітвы/войны | Вялікая Айчынная вайна |
| Узнагароды і званні |
        |
Біяграфія правіць
Пётр Сінчукоў нарадзіўся 11 ліпеня 1920 года ў Гомелі. Пасля заканчэння дзевяці класаў школы працаваў рахункаводам. У студзені 1940 года Сінчукоў быў прызваны на службу ў Рабоча-сялянскую Чырвоную Армію. У 1943 годзе ён скончыў Тамбоўскую ваенную авіяцыйную школу лётчыкаў. З снежня таго ж года — на франтах Вялікай Айчыннай вайны[1].
Да сакавіка 1945 года гвардыі старшы лейтэнант Пётр Сінчукоў камандаваў звяном 75-га гвардзейскага штурмавога авіяпалка 1-й гвардзейскай штурмавой авіядывізіі 1-й паветранай арміі 3-га Беларускага фронту. Да таго часу ён здзейсніў 119 баявых вылетаў на штурмоўку вялікіх колькасцей баявой тэхнікі і жывой сілы праціўніка, нанёсшы яму вялікія страты[1].
Указам Прэзідыума Вярхоўнага Савета СССР ад 19 красавіка 1945 года за «адвагу і мужнасць, паказаныя пры нанясенні бомбавых і штурмавых удараў па праціўніку» гвардыі старшы лейтэнант Пётр Сінчукоў быў удастоены высокага звання Героя Савецкага Саюза з уручэннем ордэна Леніна і медалі «Залатая Зорка» за нумарам 6213[1].
Пасля заканчэння вайны Сінчукоў працягнуў службу ў Савецкай Арміі. У 1954 годзе ён скончыў Ваенна-паветраную акадэмію. У 1956 годзе ў званні маёра Сінчукоў быў звольнены ў запас. Вярнуўся ў Гомель. Памёр 10 кастрычніка 1987 года[1].
Быў таксама ўзнагароджаны трыма ордэнамі Чырвонага Сцяга, ордэнам Аляксандра Неўскага, двума ордэнамі Айчыннай вайны 1-й ступені і шэрагам медалёў[1].
Зноскі
- ↑ а б в г д Пётр Сідаравіч Сінчукоў на сайце «Героі краіны»
Літаратура правіць
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Сінчукоў Пётр Сідаравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 407. — 10 000 экз. — ISBN 985-11-0035-8. — ISBN 985-11-0238-5 (т. 14).
- Дриго С. В. За подвигом — подвиг. — Калининградское кн. изд., 1984. (руск.)
- Королёв В. О. Гвардейцы первой штурмовой. — М.: Воениздат, 1980. (руск.)
- Навечно в сердце народном. 3-е изд., доп. и испр. — Минск, 1984. (руск.)
Спасылкі правіць
- Сінчукоў Пётр Сідаравіч на сайце анлайн-энцыклапедыі «Беларусь у асобах і падзеях»
- Сінчукоў Пётр Сідаравіч Архівавана 23 студзеня 2022. // Сайт Гомельскага гарадскога выканаўчага камітэта
- Праект «Память народа» (руск.)