Вікіпедыя

Рамелу Лукаку

бельгійскі футбаліст
У Вікіпедыі ёсць артыкулы пра іншых асоб з прозвішчам Лукаку.

Рамелу Менама Лукаку (фр.: Romelu Menama Lukaku; нар. 13 мая 1993, Антверпен, Бельгія) — бельгійскі футбаліст, нападнік італьянскага клуба «Рома» (у арэндзе з англійскага «Чэлсі») і нацыянальнай зборнай Бельгіі.

Футбол
Рамелу Лукаку
Агульная інфармацыя
Поўнае імя Рамелу Менама Лукаку
Нарадзіўся 13 мая 1993(1993-05-13)[1][2] (30 гадоў)
Грамадзянства  Бельгія
Рост 191 см[3]
Вага 101 кг
Пазіцыя нападнік
Інфармацыя пра клуб
Клуб Італія Рома
Нумар 90
Маладзёжныя клубы
1999—2003 Бельгія Рупель Бум
2003—2006 Бельгія Льерс
2006—2009 Бельгія Андэрлехт
Клубная кар’ера[* 1]
2009—2011 Бельгія Андэрлехт 73 (33)
2011—2014 Англія Чэлсі 10 (0)
2012—2013 →  Англія Вест Бромвіч Альбіён 35 (17)
2013—2014 →  Англія Эвертан 31 (15)
2014—2017 Англія Эвертан 110 (53)
2017—2019 Англія Манчэстэр Юнайтэд 66 (28)
2019—2021 Італія Інтэрнацыянале 72 (47)
2021— Англія Чэлсі 26 (8)
2022—2023 →  Італія Інтэрнацыянале 25 (10)
2023— →  Італія Рома
Нацыянальная зборная[* 2]
2008 Бельгія Бельгія (да 15) 4 (1)
2011 Бельгія Бельгія (да 18) 1 (0)
2009 Бельгія Бельгія (да 21) 5 (1)
2010— Бельгія Бельгія 108 (75)
Узнагароды і медалі
Чэмпіянаты свету
Бронза Расія 2018
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 31 жніўня 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 31 жніўня 2023
Лагатып Вікісховішча Медыяфайлы на Вікісховішчы

Клубная кар’ера правіць

Калі Лукаку споўнілася 16 гадоў 13 мая 2009 года, ён падпісаў прафесійны кантракт з «Андэрлехтам» да 2012 года[4]. Усяго толькі праз 11 дзён ён дэбютаваў у чэмпіянаце Бельгіі матчам 24 мая супраць «Стандарда», выйшаўшы на 69-й хвіліне замест абаронцы Віктара Бернардэса[5]. «Андэрлехт» прайграў матч з лікам 1:0.

На наступны сезон Рамелу стаў іграком асноўнага складу, забіўшы свой ​​першы гол на высокім узроўні ў матчы супраць «Зюлтэ-Варэгема» на 89-й хвіліне. Усяго за сезон Про Лігі 2009/10 Рамелу забіў 15 галоў і яшчэ 4 у матчах Лігі Еўропы.

У жніўні 2011 года Лукаку далучыўся да англійскага «Чэлсі». Лонданскі клуб выкупіў трансфер іграка за 12 млн еўра. Лукаку атрымаў 18 нумар і падпісаў кантракт на пяць гадоў. Дэбютаваў у хатнім матчы супраць «Норвіч Сіці» (2:1) на 83-й хвіліне, выйшаўшы на замену Фернанда Торэсу[6].

Аднак замацавацца футбаліст у «Чэлсі» не здолеў, таму некалькі гадоў правёў у арэндах у іншых англійскіх клубах. 30 ліпеня 2014 года «Эвертан» абвясціў пра падпісанне з Лукаку пяцігадовага кантракта. Сума трансферу склала 28 млн фунтаў. У складзе «Эвертан» замацаваўся ў аснове і стаў галоўным бамбардзірам каманды, чым прыцягнуў увагу вядучых еўрапейскіх клубаў.

У ліпені 2017 года «Манчэстэр Юнайтэд», выйграўшы барацьбу ў «Чэлсі», абвясціў аб падпісанні пяцігадовага кантракта з Лукаку. Сума адступных, па неафіцыйных звестках, склала 75 млн фунтаў плюс 15 млн фунтаў у якасці магчымых бонусаў[7].

У жніўні 2019 года перайшоў у італьянскі «Інтэрнацыянале»[8]. У сезоне 2020/21 разам з клубам стаў чэмпіёнам Італіі.

У жніўні 2021 года зноў стаў іграком «Чэлсі», сума пераходу склала 115 млн еўра[9]. У чэрвені 2022 года на правах арэнды вярнуўся ў «Інтэрнацыянале»[10], а ў жніўні 2023 года быў арандаваны «Ромай»[11].

Міжнародная кар’ера правіць

24 лютага 2010 года Лукаку дэбютаваў у складзе зборнай Бельгіі ў таварыскім матчы супраць зборнай Харватыі[12]. 17 лістапада 2010 года адзначыўся першымі двума галамі ў таварыскім матчы супраць зборнай Расіі.

Дасягненні правіць

«Андэрлехт»

«Інтэрнацыянале»:

«Чэлсі»

Крыніцы правіць

  1. ↑ Romelu Lukaku // Transfermarkt — 2000. Праверана 9 кастрычніка 2017.
  2. ↑ Romelu Lukaku // FBref.com
  3. ↑ https://www.chelseafc.com/en/teams/first-team/romelu-lukaku?pageTab=biography Праверана 24 красавіка 2022.
  4. ↑ Lukaku: Je sais que je serai récompensé de mes efforts. FootGoal.net.
  5. ↑ Standard is opnieuw kampioen van België. Sporza.
  6. ↑ Chelsea 3–1 Norwich. BBC Sport.
  7. ↑ Лукаку подписал 5-летний контракт с «Манчестер Юнайтед». by.tribuna.com.
  8. ↑ Лукаку перешел в «Интер». by.tribuna.com.
  9. ↑ Футбол. "Челси" купил Ромелу Лукаку у "Интера" за 115 млн евро Архівавана 12 жніўня 2021.. pressball.by.
  10. ↑ Ромелу Лукаку снова футболист "Интера". football.by.
  11. ↑ Ромелу Лукаку воссоединился с Жозе Моуринью в "Роме" (руск.). football.by (31 жніўня 2023). Праверана 31 жніўня 2023.
  12. ↑ Romelu Lukaku est officiellement Diable Rouge. DH.be.

Спасылкі правіць

Узята з "https://be.wikipedia.org/w/index.php?title=Рамелу_Лукаку&oldid=4570014"