Рафаіл Корсак

Рафаіл Корсак
Рафаіл Корсак
	;
	;
дыяцэзіяльны біскуп[d]
	з 19 красавіка 1632
Дыяцэзія	Пінская і тураўская епархія
Папярэднік	Grzegorz Michałowicz[d]
Пераемнік	Pachomiusz Woyna Orański[d]
каталіцкі архібіскуп
	з 5 лютага 1637
Дыяцэзія	Руская ўніяцкая царква
Папярэднік	Іосіф Вельямін Руцкі
Пераемнік	Антоній Сялява
Адукацыя	Нясвіжскі езуіцкі калегіум; Калегіум Святога Афанасія; Браўнсбергскі езуіцкі калегіум[d];
Дзейнасць	каталіцкі святар, каталіцкі біскуп
Нараджэнне	1598; Новагародак, Вялікае Княства Літоўскае, Рэч Паспалітая;
Смерць	28 жніўня 1640; Рым, Папская вобласць;
Пахаванне	Рым;
Дынастыя	Корсакі-Бабыніцкія[d] і Корсакі
Бацька	Сямён Іванавіч Корсак[d]
	Медыяфайлы на Вікісховішчы

Рафаіл Корсак (свецкае імя Мікалай; каля 1595 — 28 жніўня 1640, Рым) — уніяцкі царкоўны дзеяч Рэчы Паспалітай.

Паходзіў з кальвінскай сям’і з шляхецкага роду Корсакаў. Навучаўся ў Нясвіжскім езуіцкім калегіуме, дзе перайшоў у каталіцтва. Пазней пад уплывам кіеўскага мітрапаліта Іосіфа Руцкага перайшоў ва уніяцтва. У 1620 уступіў у ордэн базыльянаў, прыняўшы манашскае імя Рафаіл. Працягнуў навучанне ў папскіх калегіумах Брунсберга і Прагі (да 1615^[1]), дзе вывучаў філасофію. У 1621—1624 вывучаў тэалогію ў рымскім калегіуме Св. Афанасія.

У 1625—1637 архімандрыт Віленскага Траецкага, у 1631 Ануфрыеўскага (Мсціслаўскае ваяводства), у 1632—1633 Кобрынскага Спаскага, у 1637—1640 Жыдзічынскага манастыроў. У 1626 прызначаны протаархімандрытам базыльянскага ордэна і епіскапам-каад’ютарам мітрапаліта Язэпа Руцкага. У 1626—1632 епіскап галіцкі, у 1632—1637 — турава-пінскі. У 1633 быў накіраваны ў Рым да папы Урбана VIII, ад якога дамогся адмовы ў прызнанні «Пунктаў заспакаення Русі», што былі выдадзеныя Уладзіславам Вазам і легалізоўвалі праваслаўную царкву ў Рэчы Паспалітай.

У 1637 прызначаны мітрапалітам Кіеўскім і Усяе Русі. Падтрымліваў курс на прымірэнне ўніятаў з праваслаўнымі. У 1639 прасіў у папы Урбана VIII дазволу склікаць сумесны сабор праваслаўных і ўніятаў, з мэтай стварэння адзінага рускага патрыярхату Рэчы Паспалітай. Клапаціўся аб беатыфікацыі Іасафата Кунцэвіча.

Памёр і пахаваны ў Рыме.

Зноскі

↑ Паводле зб. Praha-Vilnius, 1981: Florovský Antonín V., Čeští jezuité na Rusi. Jezuitské provincie a slovanský východ, Praha, Vyšehrad 1941.

Спасылкі правіць

На Вікісховішчы ёсць медыяфайлы па тэме Рафаіл Корсак

[1] Паводле зб. Praha-Vilnius, 1981: Florovský Antonín V., Čeští jezuité na Rusi. Jezuitské provincie a slovanský východ, Praha, Vyšehrad 1941.

[1]