Роберт Лансінг

Роберт Лансінг (англ.: Robert Lansing, 17 кастрычніка 1864, Уотэртаўн, штат Нью-Ёрк — 30 кастрычніка 1928, Вашынгтон) — амерыканскі юрыст і дзяржаўны дзеяч, займаў пасаду Дзяржаўнага сакратара ЗША ў 1915—1920 гадах, у адміністрацыі прэзідэнта Вудра Вільсана.

Роберт Лансінг
42-і дзяржаўны сакратар ЗША 24 чэрвеня 1915 — 13 лютага 1920
Папярэднік	Роберт Лансінг
Пераемнік	Frank Polk[d]
дзяржаўны сакратар ЗША 9 чэрвеня 1915 — 24 чэрвеня 1915
Папярэднік	Уільям Джэнінгс Браян
Пераемнік	Роберт Лансінг
Нараджэнне	17 кастрычніка 1864(1864-10-17)[…] Уотэртаўн[d], Jefferson County[d], Нью-Ёрк, ЗША
Смерць	30 кастрычніка 1928(1928-10-30)[…] (64 гады) Нью-Ёрк, Нью-Ёрк, ЗША
Месца пахавання	Brookside Cemetery[d]
Бацька	John Lansing[d]
Маці	Maria Lay Lansing[d]
Жонка	Eleanor Foster Lansing[d]
Партыя	Дэмакратычная партыя ЗША
Адукацыя	Амхерсцкі каледж[d]
Дзейнасць	адвакат, дыпламат, палітык
Аўтограф
Медыяфайлы на Вікісховішчы

Біяграфія

У 1886 годзе скончыў Амхерсцкі каледж. Займаўся юрыдычнай практыкай ва Уотэртаўне. У 1890 годзе ажаніўся з Элеанорай Фостэр. У якасці спецыяліста міжнароднага права ўдзельнічаў у некалькіх міжнародных арбітражах паміж ЗША і Брытанскай імперыяй па пытанні аб кітабойстве ў Берынгавым моры, аб межах Аляскі, і аб рыбалоўстве ў паўночнай Атлантыцы, якія праходзілі з пасярэдніцтвам Расіі.

У 1915—1920 гадах займаў пасаду дзяржаўнага сакратара ЗША. У 1917 годзе заключыў здзелку аб куплі Дацкай Вест-Індыі. У лістападзе 1917 года падпісаў пагадненне Лансінг — Ісіі, па якім ЗША прызналі «наяўнасць асаблівых інтарэсаў Японіі ў Кітаі». У абмен на гэта Японія прызнала амерыканскую палітыку «адкрытых дзвярэй».

Лічачы, што перамога Германіі ў Першай сусветнай вайне 1914—1918 гадоў пагражала б інтарэсам ЗША, выступаў за добразычлівы нейтралітэт у адносінах да Антанты, а затым і за непасрэдны ўдзел ЗША ў вайне супраць Германіі.

У 1919 годзе ўзначальваў амерыканскую дэлегацыю на Парыжскай мірнай канферэнцыі.