Барэцкія
баярскі род у Наўгародскай рэспубліцы
(Пасля перасылкі з Род Барэцкіх)
Барэ́цкія — наўгародская баярская сям'я.
У 15 ст. ім належала 714 вёсак з 1458 сялянскімі дварамі.
Марфа, удава пасадніка Ісака Андрэевіча Барэцкага, і яе сын Дзмітрый Ісакавіч у 1471 узначалілі варожую Маскве партыю наўгародскіх баяр, якая вяла перагаворы з вялікім князем літоўскім Казімірам IV аб пераходзе ў яго падданства. У бітве на рацэ Шалонь (1471) паміж маскоўскай раццю і наўгародскім апалчэннем на чале з Дзмітрыем Барэцкім наўгародцы пацярпелі паражэнне. Дзмітрый трапіў у палон, яму, як і іншым баярам — прыхільнікам саюзу з ВКЛ, Іван III загадаў адсекчы галаву. Марфа і яе сын Фёдар працягвалі варожую Маскве дзейнасць.
Літаратура правіць
- Барэцкія // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. С. 337.
- Рудаков В. Е. Борецкие // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.