Рыбніца (возера)

Ры́бніца — возера ў Гродзенскім раёне Гродзенскай вобласці Беларусі ў басейне ракі Пыранка, за 20 км у напрамку на ўсход ад горада Гродна, каля аграгарадка Азёры і вёскі Старына.

Рыбніца
Морфаметрыя
Вышыня над узроўнем мора	113,1 м
Даўжыня	4,76 км
Шырыня	0,9 км
Плошча	2,48 км²
Даўжыня берагавой лініі	12,4 км
Найбольшая глыбіня	7,7 м
Басейн
Плошча вадазбору	403 км²
Упадаюць	Пыранка, Стыеўка
Выцякаюць	Пыранка
Размяшчэнне
Краіна	Беларусь
Рэгіён	Гродзенская вобласць
Рыбніца
Рыбніца

Плошча паверхні возера 2,48 км². Даўжыня 4,76 (4,78) км, найбольшая шырыня 0,9 км, даўжыня берагавой лініі 12,4 (10,8) км. Найбольшая глыбіня 7,7 (5,8) м, сярэдняя — 2,3 м. Плошча вадазбору 403 км².
Катлавіна возера лагчыннага тыпу. Вышыня схілаў ад 3—5 да 17 м. Заходнія і паўночна-заходнія берагі возера зліваюцца са схіламі катлавіны. Берагавая лінія звілістая. Дно каля берагоў пясчанае, глыбей — выслана сапрапелем. Возера праточнае. Упадаюць рэкі Пыранка і Стрыеўка, ручаі і каналы. Выцякае рака Пыранка.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 468. — 10 000 экз. — ISBN 985-11-0035-8. — ISBN 985-11-0216-4 (т. 13).
• Рыбніца // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 390.
• Республика Беларусь. Гродненский район: карта. Гродно: план / Ред. Н. Н. Науменко. — Мн.: РУП «Белкартография», 2012. — 5000 экз. (руск.)

Спасылкі

• Общая характеристика озёр Гродненской области // Справочник «Водные объекты Республики Беларусь» (руск.)
• Морфометрические параметры озёр Гродненской области // Справочник «Водные объекты Республики Беларусь» (руск.)