Рэзанансная часціца

Рэзана́нсныя часці́цы, ці рэзана́нсы — нестабільныя элементарныя часціцы (адроны), якія могуць распадацца за кошт моцных узаемадзеянняў. Маюць час жыцця ад 10⁻²⁴ да 10⁻²² с.

Аб наяўнасці рэзанансных часціц мяркуюць па ускосных звестках, напрыклад, па «рэзанансным» (адсюль назва) павелічэнні эфектыўнага сячэння даследаванага працэсу ўзаемадзеяння часціц пры тых значэннях энергіі, якія адпавядаюць масе (у энергетычных адзінках) пэўнай рэзананснай часціцы.

Эксперыментальна рэзанансы былі адкрыты Э. Фермі (пач. 1950-х г.) і першасна трактаваліся як узбуджаныя станы адронаў.

Літаратура

• Рэзанансныя часціцы // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. С. 557.

Спасылкі

• Резонансы // Физическая энциклопедия.