Сайман Бэдфард

Сайман Бэдфард (англ.: Simon Bedford; нар. 8 лютага 1976, Брэдфард, графства Заходні Ёркшыр, Англія) — англійскі былы прафесійны гулец у снукер. Удзельнік чэмпіянату свету 1998 года. Былы 63-ці нумар сусветнага рэйтынгу (2005/2006).

Сайман Бэдфард Снукер Simon Bedford
Дата нараджэння:	8 лютага 1976(1976-02-08) (48 гадоў)
Месца нараджэння:	Брэдфард, бора Брэдфард[d], Заходні Ёркшыр, Англія, Вялікабрытанія
Грамадзянства:	Англія
Прафесійная кар'ера:	1995–2006, 2008–2014
Найвышэйшы рэйтынг:	63 (03.05.2005–01.05.2006)
Прызавыя грошы:	> £130,000
Найвышэйшая серыя:	141 (2 разы: Чэлендж-тур 2001/02 – Этап 3, PIOS 2006/2007 – Этап 2)
Колькасць соценных серый:	43
Лепшы рэйтынгавы вынік:	1/16 фіналу (Чэмпіянат свету 1998, Адкрыты чэмпіянат Еўропы 2004, Гран-пры 2008)
Перамогі на турнірах
Чэмпіянат свету:	1/16 фіналу (1998)

Пачаў прафесійную кар'еру ў 1995 годзе ва ўзросце 19 гадоў, а ў 1998 годзе перамог на трэцім этапе тура Вялікабрытаніі і ўпершыню патрапіў у асноўную стадыю рэйтынгавага турніру, якім стаў чэмпіянат свету, дзе ён саступіў Стыву Дэвісу ў першым матчы з лікам 6:10. У 1999 годзе дайшоў да фіналу Benson and Hedges Championship, пераможца якога атрмліваў права выступаць на Мастэрс (найбуйнейшым запрашальным снукерным турніры), аднак у вырашальным матчы прайграў Алістэру Картэру з лікам 4:9. У 2000 годзе атрымаў другую перамогу на турніры тура Вялікабрытаніі, а ў 2004 годзе ў другі раз патрапіў у 1/16 фіналу рэйтынгавага спаборніцтва на адкрытым чэмпіянаце Еўропы, дзе саступіў Квінтэну Хану з лікам 0:5. У сезоне 2005/2006 упершыню патрапіў у топ-64 сусветнага рэйтынгу, дзе пратрымаўся толькі адзін сезон, пакінуўшы мэйн-тур пасля яго, аднак у 2007 годзе перамог на адным з этапаў Міжнароднай адкрытай серыі і ў 2008 годзе вярнуў сабе прафесійны статус і ў трэці раз дайшоў да 1/16 фіналу рэйтынгавага турніру на Гран-пры, дзе быў пераможаны Пітэрам Эбданам з лікам 5:1. У 2011 годзе ўпершыню патрапіў у 1/8 фіналу нізкарэйтынгавага спаборніцтва на адным з этапаў серыі PTC. На адкрытым чэмпіянаце Аўстраліі 2013 года ў матчы супраць Бары Пінчэса, які доўжыўся 449 хвілін і 46 секунд, усталяваў рэкорд самага доўгага матча да пяці перамог у снукернай гісторыі. У 2014 годзе пакінуў мэйн-тур, скончыўшы сезон на 99-й пазіцыі.

За сваю прафесійную кар'еру аформіў больш за 40 соценных брэйкаў, а таксама зарабіў больш за 100 тысяч фунтаў стэрлінгаў прызавых грошай, уваходзячы ў топ-200 снукерыстаў у гісторыі па іх колькасці.

Фіналы турніраў

Прафесійныя снукерныя турніры: 1 (1 параза)

Легенда

Рэйтынгавыя турніры (0:0)

Нізкарэйтынгавыя турніры (0:0)

Нярэйтынгавыя турніры (0:1)

Турніры з альтэрнатыўным фарматам (0:01)

Вынік	ПДВ	Дата	Турнір	Апанент у фінале	Лік
Параза	1	10 лістапада 1999	Benson and Hedges Championship, Мэлвэрн, Англія	Картэр, Алістэр Алістэр Картэр	4:9

Кваліфікацыйныя туры: 4 (3 перамогі; 1 параза)

Вынік	ПДВ	Дата	Турнір	Апанент у фінале	Лік
Перамога	1		Тур Вялікабрытаніі 1997/1998 – Этап 3, Суіндан, Англія	Мілкінс, Роберт Роберт Мілкінс	6:3
Перамога	2	18 сакавіка 2000	Тур Вялікабрытаніі 1999/2000 – Этап 3, Стокпарт, Англія	Хокінс, Бары Бары Хокінс	6:5
Перамога	3	20 ліпеня 2007	Міжнародная адкрытая серыя 2007/2008 – Этап 1, Прэстацін, Уэльс	Уілкінсан, Гэры Гэры Уілкінсан	6:3
Параза	1	19 лютага 2008	Міжнародная адкрытая серыя 2007/2008 – Этап 6, Прэстацін, Уэльс	Джохал, Кулдэш Кулдэш Джохал	5:6

Спасылкі

• Статыстыка Саймана Бэдфарда на CueTracker.net (англ.)