Сан-Мігель-дэ-Тукуман

Сан-Мігель-дэ-Тукуман (ісп.: San Miguel de Tucumán), звычайна скарачаецца да Тукуман (ісп.: Tucumán) — сталіца правінцыі Тукуман і найбольшы горад паўночнай Аргенціны з насельніцтвам 526 тысяч жыхароў (2001) і насельніцтвам агламерацыі 806000, што робіць яе пятай па насельніцтву ў краіне.

Горад Сан-Мігель-дэ-Тукуман ісп.: San Miguel de Tucumán Герб Краіна Аргенціна Каардынаты 26°49′50″ пд. ш. 65°12′13″ з. д. Унутраны падзел 29 раёнаў Заснаваны 31 мая 1565 Плошча 91 км² Вышыня цэнтра 431 м Насельніцтва 527 607 чалавек (2001) Шчыльнасць 5799 чал./км² Агламерацыя 736 018 (перапіс 2001) чалавек Часавы пояс UTC-3 Тэлефонны код +54-381 Паштовыя індэксы T4000 - T4003 Аўтамабільны код T Афіцыйны сайт sanmigueldetucuman.gov.ar (ісп.) Сан-Мігель-дэ-Тукуман на карце Аргенціны

Медыяфайлы на Вікісховішчы

Горад пад назвай Іватын (ісп. Ibatín) быў заснаваны ў 1565 г. і быў перамешчаны на сучаснае месца ў 1685 годзе. Заступніцай Тукумана была названая Дзева Ла Мерсед. 24 верасня 1812 каля горада Тукуман адбылася бітва, перамога ў якой войскаў Мануэля Бельграна стала вырашальнай у барацьбе за незалежнасць Аргенціны. У той жа дзень у мясцовай царкве Дзева Марыя Ла Мерсед была названая заступніцай аргенцінскага войскі.

9 жніўня 1816 у Тукумане сабраўся Кангрэс, які абвясціў Дэкларацыю незалежнасці Аргенціны ад Іспаніі і іншых краін. З гэтай даты пачынаецца адлік існавання сучаснай Аргенціны. У 1870 г. у Тукуман была праведзена чыгунка.

Клімат

Клімат горада субтрапічны. Зімы цёплыя. Снежныя ападкі рэдкія — за ўсю гісторыю краіны ад заснавання горада снег выпадаў толькі тры разу: 1920 г., 9 ліпеня 2007 г. і ў ліпені 2010 г. Лета гарачае, але з-за вышыні (горад знаходзіцца ля падножжа Пампінскай сьеры), ракі Рыа-Дульсэ і частых вятроў з Патагоніі тэмпературы даволі ўмераныя. Вясна і восень цёплыя з сярэдняй тэмпературай 25 °C і пераважнымі вятрамі з поўдня.

Найбольшая колькасць дажджоў бывае ўлетку. Сярэдняя гадавая колькасць ападкаў 800—1000 мм. Абсалютны максімум тэмператур за перыяд назірання з 1961—1990 гг. 42,1 °C, абсалютны мінімум — 3 °C

Клімат Сан-Мігель-дэ-Тукуман
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	31,3	30,2	27,7	24,4	21,2	18,2	19,1	22,5	24,5	29,0	29,6	30,6	25,7
Сярэдняя тэмпература, °C	25,3	24,2	22,2	19,1	15,5	12,2	12,1	14,7	17,1	21,6	23,2	24,9	19,3
Сярэдні мінімум, °C	20,2	19,2	18,0	15,1	11,0	7,6	6,8	8,6	10,6	15,1	17,5	19,4	14,1
Норма ападкаў, мм	196,2	158,1	161,0	67,2	14,7	14,0	11,4	12,4	13,3	47,8	69,8	200,4	966,3
Крыніца: [1]

Гарады-пабрацімы

• Германія, Эрфурт
• Германія, Леверкузен
• Аўстралія , Клагенфурт
• Румынія, Алба-Юлія
• Украіна, Чарнаўцы
• Сербія, Кікінда
• Францыя, Сент-Эцьен
• Венгрыя, Дзьёр
• Вялікабрытанія, Ковентры, з 1955
• Украіна, Луганск, з 1959
• Канада, Гранбі, Квебек, з 1960
• Германія, Вуперталь, з 1960
• Канада, Віндзар, Антарыа, з 1963
• Германія, Гельтэндорф, з 1966
• Мадагаскар, Туамасіна, з 1967
• Ізраіль, Назарэт-Іліт, з 1974
• Алжыр , Анаба, з 1981
• Кітай, Сюйчжоу, з 1984
• ЗША, Дэ-Мойн, з 1984
• Грэцыя, Патры, з 1990
• Туніс, Бэн-Араус, з 1994
•  Польшча, Катавіцы, з 1994
• Партугалія , Аейраш, з 1995
• Швецыя, Бурленгэ, з 4 сакавіка 2009.
• Калумбія, Сан-Хуан-дэ-Паста, з 2010

Спасылкі

• Афіцыйны сайт Архівавана 6 лістапада 2017.