Сара Чылдрэс Полк

Сара Чылдрэс Полк (англ.: Sarah Childress Polk; 4 верасня 1803 — 14 жніўня 1891) — жонка 11-га прэзідэнта ЗША Джэймса Полка і Першая лэдзі ЗША з 4 сакавіка 1845 па 3 сакавіка 1849 года.

Сара Чылдрэс Полк
англ.: Sarah Polk
першая лэдзі ЗША 4 сакавіка 1845 — 4 сакавіка 1849
Папярэднік	Джулія Тайлер
Пераемнік	Маргарэт Тэйлар
Нараджэнне	4 верасня 1803(1803-09-04)[…] Марфрысбора[d], Рэзерфорд[d], Тэнесі, ЗША
Смерць	14 жніўня 1891(1891-08-14)[…] (87 гадоў) Нашвіл, акруга Дэйвідсан[d], Тэнесі, ЗША
Месца пахавання	Тэнесі
Муж	Джэймс Нокс Полк
Веравызнанне	прэсвітэрыянства
Партыя	Дэмакратычная партыя ЗША
Член у	Дочкі амерыканскай рэвалюцыі[d]
Дзейнасць	палітык
Аўтограф
Медыяфайлы на Вікісховішчы

Біяграфія

Сара, трэцяя з шасцярых дзяцей, нарадзілася ў 1803 годзе ў сям’і купца і плантатара Джоэля Чылдрэса і Элізабет Уітсіт-Чылдрэс. Была добра адукаванай для свайго часу, наведвала эксклюзіўную Мараўскую жаночую акадэмію ў Сейлеме, Паўночная Караліна. Таксама, Сара вучылася ў каледжы Сейлема ва Уінстан-Сейлеме, Паўночная Караліна, які быў адной з нямногіх навучальных устаноў для атрымання вышэйшай адукацыі, даступнай жанчынам у пачатку XIX стагоддзя.

Упершыню Сара пазнаёмілася з Джэймсам Полкам у 1815 годзе. Праз некалькі год у іх завязаліся рамантычныя адносіны. 1 студзеня 1824 Сара Чылдрэс выйшла замуж за Джэймса Полка. Цырымонія шлюбу адбылася ў доме на плантацыі бацькоў нявесты. Полк, які не меў дзяцей, выхоўваў свайго пляменніка, Маршала Тэйта Полка (1831—1884). Пасля смерці мужа Сара прыняла апякунства над асірацелай пляменніцай, Сарай Полк Джэтан (1847—1927).