Свята-Аляксееўская царква (Смальяны)

Свята-Аляксееўская царква — помнік архітэктуры рэтраспектыўна-рускага стылю. Царква ў імя святога Алексія Маскоўскага размешчана ў паўднёва-заходняй частцы вёскі Смальяны (Аршанскі раён, Віцебская вобласць). Узведзена ў 1864 г. з цэглы. Прыпісная да Праабражэнскага храма.

Праваслаўная царква
Свята-Аляксееўская царква
54°35′42,87″ пн. ш. 30°03′21,32″ у. д.
Краіна	Беларусь
Вёска	Смальяны
Канфесія	Руская праваслаўная царква
Архітэктурны стыль	рэтраспектыўна-рускі стыль
Дата пабудовы	1864 год
Статус	Гісторыка-культурная каштоўнасць Беларусі, шыфр 213Г000140
Стан	руіны
Медыяфайлы на Вікісховішчы

Архітэктура

Бакавы фасад

Пабудавана па кананічнай 4-часткавай кампазіцыі: званіца, трапезная, малітоўная зала, гранёная апсіда. Сілуэт храма мае 2 вертыкальныя дамінанты — 2-ярусную 4-гранную шатровую званіцу і сферычны купал на 8-гранным светлавым барабане над 4-схільным дахам цэнтральнага кубападобнага аб'ёму. Фасады расчлянёны высокімі арачнымі аконнымі праёмамі, крапаваны вуглавымі лапаткамі. У інтэр'ер раскрыты светлавы барабан, падтрыманы 4 4-граннымі пілонамі і перакінутымі праз іх аркамі, скляпеннямі-ветразямі; трапезная і прыдзелы перакрыты цыліндрычнымі скляпеннямі на распалубках.

Галерэя

• 
  Званіца царквы Святога Аляксея
• 
  Бакавы фасад царквы Святога Аляксея
• 
  Царква Святога Аляксея, выгляд з апсіды
• 
  Панарама вёсцы з сілуэтам царквы Святога Аляксея

Літаратура

• Свята-Аляксееўская царква // Кулагін, А. М. Праваслаўныя храмы на Беларусі : энцыклапедычны даведнік / А. М. Кулагін. — Мн., 2001. — С. 184.
• Аляксееўская царква // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мн., 1985. — С. 113.
• Аляксееўская царква // Памяць. Орша і Аршанскі раён: гісторыка-дакументальная хроніка гарадоў і раёнаў Беларусі : у 2 кн. / рэдкал.: Г. П. Пашкоў [і інш.]. — Мн., 2000. — Кн. 2. — С. 465.

Спасылкі

• На Вікісховішчы ёсць медыяфайлы па тэме Свята-Аляксееўская царква (Смальяны)
• Свята-Аляксееўская царква (Смальяны) на сайце «Архіварта»