Сент-Эцьен

Сент-Эцье́н (фр.: Saint-Étienne, акс.: Sant Estève) — горад у Францыі, адміністрацыйны цэнтр дэпартамента Луара рэгіёна Авернь — Рона — Альпы. Насельніцтва — 176 800 чалавек (на 2004 год). Горад названы ў гонар святога Стэфана.

Горад Сент-Эцьен фр.: Saint-Étienne Герб Сцяг Краіна Францыя Статус Прэфектура Рэгіён Авернь — Рона — Альпы Дэпартамент Луара Каардынаты 45°26′05″ пн. ш. 4°23′25″ у. д. Мэр Морыс Венсан (Maurice Vincent) Першая згадка 1258 Ранейшыя назвы да 1793 — Сент-Эцьен да 1801 — Арм-Віль да 1969 — Сент-Эцьен да 1970 — Сент-Эцьен-сюр-Луар Плошча 79,97 км² Вышыня 422 - 1117 м Водныя аб’екты Луара Афіцыйная мова французская Насельніцтва 177 480 чалавек (2006) Шчыльнасць 2219 чал./км² Агламерацыя 321 703 чалавек Этнахаронім фр.: Stéphanois, фр.: Stéphanoise Часавы пояс UTC+1, летам UTC+2 Паштовыя індэксы 42000, 42100 Код INSEE 42218 Афіцыйны сайт saint-etienne.fr (фр.) Сент-Эцьен на карце Францыі

Медыяфайлы на Вікісховішчы

Гісторыя

З XVI стагоддзя ў Сент-Эцьене развівалася зброевая прамысловасць. У час Вялікай французскай рэвалюцыі, Сент-Эцьен на кароткі час быў перайменаваны ў Арм-Віль (па-французску: Armeville — «зброевы горад»). Пазней, ён стаў цэнтрам здабычы вугалю, а ў апошні час вядомы вытворчасцю веласіпедаў.

Яшчэ ў першай палове XIX стагоддзя Сент-Эцьен быў невялікім мястэчкам з насельніцтвам каля 33 тысяч чалавек у 1832 годзе, але ў 1880 годзе дзякуючы прамысловай рэвалюцыі і бурнаму росту індустрыі колькасць жыхароў дасягнула 110 тысяч.

Культура

У горадзе размешчаны такія вядомы адукацыйны цэнтры як Універсітэт імя Жана Манэ, школа шахцёраў, школа мастацтваў, Нацыянальная школа інжынераў, Вышэйшая камерцыйная школа. Працуюць музеі сучаснага мастацтва, шахт, прамысловага мастацтва. Дзейнічаюць тэатры «Камеды Сент-Эцьен», «Планетарый», «Эспланада-Опера».

Спорт

У горадзе месціцца шматразовы чэмпіён Францыі футбольны клуб «Сент-Эцьен».

Гарады-пабрацімы

• Ковентры, Вялікабрытанія, з 1955
• Вуперталь, Германія, з 1958
• Луганск, Украіна, з 1959
• Ферара, Італія, з 1960
• Патры, Грэцыя, з 1990
• Катавіцы, Польшча, з 1994
• Банска-Бістрыца, Славакія, з 2006

Літаратура

• Сент-Эцьен // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 337. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• На Вікісховішчы ёсць медыяфайлы па тэме Сент-Эцьен
• Сайт горада
• Сайт мэрыі горада