Скін-эфект
Скін-эфект[1] (ад па-англійску: skin скура, абалонка + эфект), паверхневы эфект[1] — уласцівасць пераменнага электрычнага току, якая праяўляецца ў неаднародным размеркаванні ўнутры правадніка такім чынам, што шчыльнасць току найбольшая на паверхні правадніка і змяншаецца ўглыб правадніка. Электрычны ток цячэ, галоўным чынам, па «скуры» правадніка паміж паверхняй і ўзроўнем, названым скін-пласт.
Фізічны механізм эфекту правіць
Пераменны ток у правадніку спараджае пераменнае віхравое магнітнае поле, сілавыя лініі якога перпендыкулярныя да восі правадніка за кошт электрамагнітнай індукцыі, пераменнае магнітнае поле спараджае віхравое электрычнае поле, якое выклікае праходжанне віхравога току Фуко, прычым на паверхні правадніка віхравыя токі накіраваны ў кірунку току правадніка, а ўнутры правадніка — процілегла. Гэта з’ява зніжае ток унутры правадніка і павялічвае ток, які працякае ў вонкавых слаях правадніка (павярхоўны ток).[1]
Крыніцы правіць
- ↑ а б в БелЭн 2002.
Літаратура правіць
- Скін-эфект, паверхневы эфект // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 456. — 10 000 экз. — ISBN 985-11-0035-8. — ISBN 985-11-0238-5 (т. 14).