Смурфы (фільм)

«Смурфікі» (англ.: «The Smurfs», фр.: «Les Schtroumpfs» — штрумфікі) — амерыканскі анімацыйны сямейны 3D-фільм 2011 года. Сюжэт заснаваны на коміксах пра смурфаў. Фільм выйшаў у ЗША 29 ліпеня.

Смурфы
англ.: The Smurfs
Жанр	кінакамедыя, фэнтэзійны фільм і дзіцячы фільм[d]
Рэжысёр	Raja Gosnell[d]
Прадзюсар	Jordan Kerner[d]
Сцэнарыст	David N. Weiss[d] J. David Stem[d]
У галоўных ролях	Ніл Патрык Харыс[d] Jayma Mays[d] Сафія Вергара Хэнк Азарыа[d] Tim Gunn[d] Джаан Рыверз Skai Jackson[d] Jonathan Winters[d] Anton Yelchin[d] Кэці Перы Fred Armisen[d] George Lopez[d] Gary Basaraba[d] John Oliver[d] Paul Reubens[d] Kenan Thompson[d] B. J. Novak[d] Jeff Foxworthy[d] Wolfgang Puck[d] Joel McCrary[d] Tom Kane[d] John Kassir[d] Frank Welker[d]
Аператар	Phil Méheux[d]
Кампазітар	Heitor Pereira[d]
Кінакампанія	Columbia Pictures і Sony Pictures Animation[d]
Працягласць	102 хв.
Зборы	563 749 323 $
Краіна	ЗША  Бельгія
Мова	англійская
Год	16 ліпеня 2011, 2 верасня 2011 і 4 жніўня 2011
Наступны фільм	Смурфікі 2
IMDb	ID 0472181
Афіцыйны сайт (англ.)
Медыяфайлы на Вікісховішчы

Да фільма 2 жніўня 2013 года быў выпушчаны сіквел.

Апісанне

Ратуючыся ад злога чараўніка Гаргамеля, малюсенькія смурфікі аказваюцца за межамі роднай вёскі. Са свайго чароўнага свету яны трапляюць проста ў наш свет, а менавіта ў Цэнтральны парк горада Нью-Ёрк. Цяпер маленькім адважным смурфікам трэба будзе адшукаць дарогу дадому і не патрапіць у лапы Гаргамеля.

У ролях

Жывая ігра акцёраў:

• Ніл Патрык Гарыс — Патрык Уінслоу
• Джэйма Мейс — Грэйс Уінслоу
• Генк Азарыя — Гаргамель
• Софія Вергара — Адылія
• Тым Ган — Генры

Акцёры агучкі (у англамоўнай версіі):

• Джонатан Вінтэрс — Бацька Смурф
• Кеці Перы — Смурфета
• Фрэд Армізен — Разумнік Смурф
• Алан Камінг
• Антон Яльчын
• Джордж Лопез

А таксама Джэф Фоксварці, Пол Рубенс, Геры Басараба, Джон Олівер, Кенан Томпсан, Б.Дж. Новак, Джоэль МакКрэры, Вульфганг Панк, Джон Касір, Том Кейн і Фрэнк Вэлкер (агучка іншых, другасных смурфаў).

Выхад на экраны

Блакітнае сяло Хускар

Сусветная прэм’ера фільма адбылася 16 чэрвеня 2011 у Хускары — маленькім сяле ў Іспаніі. Каб адсвяткаваць прэм’еру, усю вёску, у тым ліку цэрквы і іншыя гістарычныя будынкі, пафарбавалі ў сіні колер. Дванаццаці мясцовым мастакам спатрэбілася 4000 літраў сіняга колеру, каб ператварыць традыцыйна белы Хускар у першае на свеце Сяло Смурфаў (англ.: Smurf Village). Нягледзячы на тое, што кампанія Sony паабяцала вярнуць вёсцы ранейшы выгляд, праз шэсць месяцаў пасля прэм’еры жыхары Хускара прагаласавалі за тое, каб захаваць сіні колер, які прынёс ім больш за 80000 турыстаў.

У ЗША фільм меліся выпусціць 17 снежня 2010 года, але адклалі на 29 ліпеня 2011 года, каб пазбегнуць канкурэнцыі з такімі фільмамі, як Мядзведзь Ёгі і Трон: Спадчына. Але потым фільм быў яшчэ часова адкладзены да 3 жніўня 2011 года праз тое, што Sony супольна з маркетынгавымі партнёрамі ў Злучаных Штатах і Канадзе рэкламавалі фільм праз Хэпі Макдональдс і кашы Post Cereals.

Акцёра Ніла Патрыка Харыса хвалілі за яго працу ў фільме, хоць фільм меў негатыўныя водгукі

Крытыка

Фільм атрымаў у асноўным негатыўныя водгукі кінакрытыкаў. Агляд агрэгатара Rotten Tomatoes паведамляе, што 22 % з 116 крытыкаў далі фільму станоўчы водгук, а сярэдняя ацэнка 4 з 10. Metacritic, які прызначае сярэднеўзважаную ацэнку з 100 магчымых балаў ад пануючых крытыкаў, даў фільму 30 балаў на аснове 22 водгукаў.

Гл. таксама

• Смурфікі 2
• Смурфы

Спасылкі

• smurfhappens.com/site/ — афіцыйны сайт (англ.)
• Смурфікі на сайце «Internet Movie Database» (англ.)