Спарышы

Спарышы, блізняты, двайнікі — ганчарны выраб.

Гліняная пасудзіна з 2-х ці 3-х гаршчкоў (зрэдку і сальніцы) аднолькавага ці рознага памеру, змацаваных ручкай (да гаршчкоў рабіліся накрыўкі). У спарышах насілі ежу на поле ў сенакос ці жніво.

Паходжанне назвы

Першапачаткова тэрмінам «спарыш» называлі двайное зерне ці двайны колас — сімвал урадлівасці. У міфалогіі ўсходніх славян Спарыш — дух жніва, надзелены здольнасцю забяспечваць «спор», г.зн. ураджай і багацце, дастатак і шчасце ў цэлым.

Літаратура

• Спарышы́ // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 104. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Незвычайная экскурсія ў Міёрскім гісторыка-этнаграфічным музеі // Афіцыйны сайт раённай газеты «Міёрскі навіны»
• Спарыш («блізняты», «двайнічкі») // Нацыянальны Полацкі гісторыка-культурны музей-запаведнік