Стары Томас
Стары́ То́мас (эст.: Vana Toomas) — флюгер на вяршыні Талінскай ратушы, адзін з сімвалаў Таліна[1]. Флюгер у выглядзе фігуры старога воіна, празванага Старым Томасам, усталявалі на вяршыні шпіля Талінскай гарадской ратушы ў 1530 годзе. Аднак, самая ранняя згадка легенды пра Старога Тоамаса датуецца толькі 1881 годам. З'явілася яна ў «Рэвельскім календары», які выходзіў на нямецкай мове.
| Славутасць | |
| Стары Томас | |
|---|---|
| Vana Toomas | |
_Tallinna_raekojas_(2013).jpg) | |
| 59°26′13,53″ пн. ш. 24°44′43,69″ у. д.HGЯO | |
| Краіна |
 Эстонія |
| Места | Талін |
| Дата заснавання | 1530 |
| Сайт | veeb.tallinn.ee/raekoda/… |
 |
|
 Медыяфайлы на Вікісховішчы | |
Легенда правіць
Паводле падання, штовесну ў сярэднявечным Таліне, на плошчы ля Вялікай Марской брамы, нямецкая шляхта ладзіла спаборніцтвы на лепшага лучніка горада. Самаму трапнаму стралку, які здолеў патрапіць у драўляную фігурку папугая, усталяваную на верхавіне высокага шоста, уручалі вялікі срэбны кубак. Аднойчы, калі рыцары толькі выстраіліся ў шэраг і падрыхтаваліся да стральбы, папугай раптам зваліўся, праткнуты стралой звычайнага талінскага юнака — жабрака па імі Тоамас. Паколькі чалавек нешляхетнага паходжання не мог удзельнічаць у турніры, Тоамасу прапанавалі пажыццёвую службу ў гарадской варце[2], што для бядноты было вялізным гонарам.
Тоамас частаваў цукеркамі дзетак, якія праходзілі па Ратушнай плошчы, і зрабіўся іх улюбёнцам. З цягам часу ён пастарэў, і дзеці пачалі зваць яго «Старым Тоамасам». Пасля яго смерці дарослыя паставілі флюгер у выглядзе яго фігуры на вежу ратушы, каб пазбегнуць тлумачэнняў пра чалавечую смерць. Цяпер бацькі маглі казаць дзецям, што Стары Тоамас глядзіць на іх паводзіны зверху і паслухмяным дзеткам кладзе цукеркі пад падушку.
Гісторыя правіць
.JPG)
У 1944 годзе падчас бамбардзіроўкі шпіль быў пашкоджаны. У 1952 на адрэстаўраваную вежу была пастаўлена копія старога флюгера, а першы Стары Томас пакінуты на захаванне ў ратушы. У 1996 пасля абнаўлення шпіля на яго была пастаўлена трэцяя фігура Старога Томаса[3]. Старая фігура 1952 года захоўваецца ў гарадскім музеі Таліна.
Зноскі
- ↑ Paul Harding, Mark Elliott. Scandinavian Europe. — Lonely Planet, 2007. — С. 219. — ISBN 9781741045536.
- ↑ Jonathan Bousfield. The Rough Guide to the Baltic States. — Rough Guides. — С. 309. — ISBN 9781858288406.
- ↑ Архіўная копія (англ.)(недаступная спасылка). Tallinn Town Hall. Архівавана з першакрыніцы 5 лістапада 2013. Праверана 10 чэрвеня 2014.
Спасылкі правіць
На Вікісховішчы ёсць медыяфайлы па тэме Стары Томас
