Сяргей Аляксеевіч Рутэнка
Сярге́й Рутэ́нка (нар. 29 жніўня 1981, Прывольны, Мінская вобласць) — беларускі гандбаліст, у мінулым меў таксама славенскае і іспанскае грамадзянства. Улетку 2009 года стаў найдаражэйшым гандбалістам свету праз заключэнне з іспанскай «Барселонай» кантракта сумай 1,2 млн еўра з гадавым заробкам каля 240 тыс. еўра[1].
 Сяргей Рутэнка | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Агульная інфармацыя | ||||||||||||||||||||||
| Поўнае імя | Сяргей Аляксеевіч Рутэнка | |||||||||||||||||||||
| Нарадзіўся |
29 жніўня 1981 (42 гады) |
|||||||||||||||||||||
| Грамадзянства |
 Беларусь |
|||||||||||||||||||||
| Рост | 198 см | |||||||||||||||||||||
| Вага | 100 кг | |||||||||||||||||||||
| Кідковая рука | правая | |||||||||||||||||||||
| Пазіцыя | левы паўсярэдні, лінейны | |||||||||||||||||||||
| Інфармацыя пра клуб | ||||||||||||||||||||||
| Клуб | завяршыў кар'еру | |||||||||||||||||||||
| Клубная кар’ера[* 1] | ||||||||||||||||||||||
|
||||||||||||||||||||||
| Нацыянальная зборная[* 2] | ||||||||||||||||||||||
|
||||||||||||||||||||||
|
Узнагароды і медалі
|
||||||||||||||||||||||
| Афіцыйны сайт | ||||||||||||||||||||||
 Медыяфайлы на Вікісховішчы | ||||||||||||||||||||||
Кар’ера правіць
Выхаванец мінскай школы гандбола. Прафесійную кар’еру пачаў у «Аркатроне», дзе правёў два сезоны (1998—2000).
У 2000 годзе ў складзе моладзевай зборнай стаў срэбраным прызёрам чэмпіянату свету. Пасля гэтага поспеху ў 19-гадовым узросце перайшоў у славенскі «Гарэнье», а праз год — у наймацнейшы клуб краіны — «Цэле».
Першы матч за зборную Беларусі згуляў 4 студзеня 2001 года супраць зборнай Эстоніі. З клубам выйграў свой першы Кубак Еўропы (2004) і стаў найлепшым бамбардзірам спаборніцтва (86 мячоў)[2].
У 2004 годзе прыняў славенскае грамадзянства. Дэбютны матч за Славенію правёў на Алімпіядзе ў Афінах супраць зборнай Расіі. Агулам за Славенію Сяргей Рутэнка правёў 40 гульняў і закінуў 269 мячоў, стаўшы найлепшым бамбардзірам чэмпіянату Еўропы 2006 года (51 гол).
У наступным сезоне «Цэле» саступіў у паўфінале Лігі чэмпіёнаў «Барселоне», аднак Сяргей Рутэнка зноў стаў найлепшым бамбардзірам спаборніцтва з 95 мячамі[3]. Дадаткова ён стаў пераможцам, найлепшым бамбардзірам і найлепшым іграком Суперкубка 2004/05.
У 2005 годзе Рутэнка перайшоў у адзін з наймацнейшых клубаў Еўропы — іспанскі «Сьюдад-Рэаль», з якім цягам чатырох сезонаў здабыў тры перамогі ў Лізе чэмпіёнаў, Лізе ASOBAL і Кубку Іспаніі. У снежні 2008 з ініцыятывы кіраўніцтва клуба праз квоту на легіянераў прыняў грамадзянства Іспаніі. У той жа час Рутэнка выказаў жаданне вярнуцца ў беларускую зборную адразу па завяршэнні неабходнага трохгадовага тэрміна з часу яго апошняй гульні за Славенію.
Улетку 2009 года гандбаліст перайшоў у «Барселону», падпісаўшы з клубам кантракт на 5 гадоў. Сума трансферу склала €1,2 млн, што зрабіла Сяргея Рутэнку найдаражэйшым гандбалістам свету[4].
У студзені 2010 года Рутэнка быў уключаны ў пашыраную заяўку зборнай Беларусі на адборачны турнір чэмпіянату свету 2011, аднак праз юрыдычныя перашкоды вяртанне іграка было адкладзенае. У верасні таго ж года Рутэнка ўсё ж атрымаў права выступаць за Беларусь.
Улетку 2015 года перайшоў у катарскі клуб «Лехвія». У красавіку—маі 2016 года выступаў за мінскі СКА. У снежні 2016 года зноў апынуўся ў Катары, аднак не здолеў дамовіцца з клубам «Аль-Кіяда» аб умовах кантракта і абвясціў аб завяршэнні кар’еры.
17 лістапада 2021 года абраны старшынёй Беларускай тэніснай федэрацыі[5].
Дасягненні правіць
- 4-разовы чэмпіён Славеніі (2001, 2003, 2004, 2005)
- 3-разовы ўладальнік Кубка Славеніі (2002, 2003, 2004)
- 6-разовы чэмпіён Іспаніі (2007, 2008, 2009, 2011, 2012[6], 2015)
- 5-разовы ўладальнік Кубка Іспаніі (2006, 2007, 2008, 2009, 2011)
- 2-разовы ўладальнік Суперкубка Іспаніі (2008, 2009)
- 6-разовы пераможца Лігі чэмпіёнаў (2004, 2006, 2008, 2009, 2011, 2015)
- Найлепшы бамбардзір Лігі чэмпіёнаў (2004, 2005)
- 4-разовы ўладальнік Суперкубка Еўропы (2004, 2005, 2006, 2008)
- Сярэбраны прызёр моладзевага чэмпіянату Еўропы (2000)
- Найлепшы бамбардзір чэмпіянату Еўропы 2006 года
Статыстыка правіць
| Зборная Беларусі
| ||
|---|---|---|
| Год | Гульні | Галы |
| 2001 | 7 | 23 |
| 2010 | 2 | 11 |
| 2011 | 8 | 48 |
| 2012 | 8 | 69 |
| 2013 | 16 | 117 |
| 2014 | 10 | 72 |
| 2015 | 18 | 95 |
| 2016 | 10 | 72 |
| Усяго | 79 | 507 |
Узнагароды правіць
Зноскі
- ↑ Алена Аўчыннікава. Сяргей Рутэнка: «Некаторыя заўзятары лічаць мяне прадажным» // Звязда : газета. — 13 студзеня 2011. — № 6 (26870). — С. 1-2. — ISSN 1990-763x.(недаступная спасылка)
- ↑ Top 50 Scorers (англ.). EHF Champions League 2003/04. Velux EHF Champions League. Праверана 7 мая 2015.
- ↑ Top 50 Scorers (англ.). EHF Champions League 2004/05. Velux EHF Champions League. Праверана 7 мая 2015.
- ↑ Щурко, Сергей. Звезда не в гости к нам. «Барса» & Беларусь. Сергей Рутенко: уж как-нибудь без Карабатича (руск.). Легионеры. Прессбол (20 ліпеня 2009). Праверана 7 мая 2015.
- ↑ Вядомы гандбаліст Сяргей Рутэнка ўзначаліў Беларускую тэнісную федэрацыю
- ↑ Сяргей Рутэнка стаў пяцікратным чэмпіёнам Іспаніі, Наша Ніва
- ↑ Указ Прэзідэнта Рэспублікі Беларусь ад 28 верасня 2016 года № 352 «Аб узнагароджанні» Архівавана 4 сакавіка 2021.
Спасылкі правіць
На Вікісховішчы ёсць медыяфайлы па тэме Сяргей Аляксеевіч Рутэнка- Профіль Архівавана 15 жніўня 2022. (англ.) на старонцы «Барселоны»
