Тадэвуш Макоўскі

Тадэвуш Макоўскі (польск.: Tadeusz Makowski; 29 студзеня 1882, Асвенцім — 1 лістапада 1932, Парыж) — польскі мастак.

Тадэвуш Макоўскі
польск.: Tadeusz Makowski
Дата нараджэння	29 студзеня 1882(1882-01-29)
Месца нараджэння	Асвенцім, Асвянцімскі павет, Малапольскае ваяводства, Польшча
Дата смерці	1 лістапада 1932(1932-11-01)[…] (50 гадоў)
Месца смерці	IV акруга Парыжа, Парыж, дэпартамент Сена, Францыя
Месца пахавання	могілкі ў Манмарансі[d]
Грамадзянства	Польшча
Род дзейнасці	мастак, графік, паэт, тэарэтык мастацтва
Вучоба	Кракаўская акадэмія мастацтваў
Уплыў на	Генрыета Багіён[d]
Медыяфайлы на Вікісховішчы

Біяграфія

Тадэвуш Макоўскі ў 1902—1906 гадах вывучаў класічную і польскую філалогію ў Ягелонскім універсітэце ў Кракаве і паралельна вучыўся жывапісу ў мясцовай Акадэміі прыгожых мастацтваў (у 1903—1908 гадах), у класах Яна Станіслаўскага і Ёзэфа Мехофера. На мяжы 1908/1909 гадоў Т. Макоўскі з’ехаў у Парыж, дзе і застаўся да канца жыцця. Спачатку мастак трапіў пад уплыў фрэскавага жывапісу Пюві дэ Шавана. Макоўскі пазнаёміўся з Пабла Пікаса, і паміж імі завязалася сяброўства. Перад Першай сусветнай вайной Т. Макоўскі разам з мастаком Уладзіславам Слявінскім выехаў у Брэтань. Тут ён адышоў ад канонаў кубізму і пачаў «вучыцца ў прыроды». Мастак пісаў пейзажы ў стылі наіўнага рэалізму, а таксама стылізаваныя фігуратыўныя кампазіцыі.