Татуін
Татуі́н (англ.: Tatooine, ˌtætuːˈiːn) — планета ў свеце Зорных войнаў, цэнтральнае месца шматлікіх падзей у сазе «Зорныя войны». Планета фігуруе ў кожнай серыі, акрамя «Імперыя наносіць удар у адказ», і нават у гэтым эпізодзе прынамсі згадваецца. Адной са знакавых планет сусвету «Зорных войнаў» яна стала таксама і дзякуючы таму, што з’яўляецца роднай планетай Энакіна і Люка Скайуокераў.
 | |
| Астраграфічныя даныя | |
|---|---|
| Адлегласць ад Цэнтра | 43 000 светлавых гадоў светлавых гадоў |
| Рэгіён | Знешнія рубяжы |
| Сектар | Арканіс |
| Сістэма | Тату |
| Колькасць сонцаў | 2 |
| Колькасць месяцаў | 3 |
| Фізічныя даныя | |
| Вада | 1% |
| Сацыяльныя даныя | |
| Асноўнае насельніцтва | розныя (збольшага людзі, явы і пясочныя людзі) |
| Папуляцыя | 200 000 |
| Асноўныя паселішчы | Анкархед, Бестын, Мос Эйслі, Мос Эспа |
| Прыналежнасць | хаты, Галактычная імперыя, Новая рэспубліка |
Апісанне правіць
Татуін — пустынная планета ў сістэме з дзвюма зоркамі Тату I і Тату II. Абарыгенныя жывёлы планеты, такія як вомп-пацук, банты, сарлакі і крайт-драконы, добра прыставаныя да спякотнага засушлівага клімату, а людзі вымушаныя здабываць вільгаць з паветра і жыць у падземных сховішчах. Скупасць на прыродныя рэсурсы, спёка і раскіданасць насельніцтва зрабілі кіраванне планетай амаль немагчымым, і гэтым скарысталіся хаты, клан гангстараў і крымінальных аўтарытэтаў, што аблюбавалі планету ў адсутнасць увагі з боку Галактычнай рэспублікі. Пасля таго, як на змену рэспубліцы прыйшла імперыя, новы рэжым усталяваў на Татуіне толькі сімвалічную ўладу, і фактычным кіраўніком планеты з’яўляўся Джаба Хат да самай сваёй гібелі ў бітве ля каркуна.
Разумныя насельнікі правіць
- людзі — насельнікі
- хаты — слімакападобныя злодзеі
- джавы — маларослікі, займаюцца зборам утылю і гандлем
- пясочныя людзі — лютыя гуманоідныя бадзягі, абарыгенныя насельнікі Татуіна
Мясціны правіць
Анкархед правіць
Анкархед — мястэчка, якое знаходзіцца за некалькі кіламетраў на ўсход ад хаты сям’і Ларсаў, на поўдзень ад касмадрому Мос Эйслі. У асноўным населенае здабывальнікамі вільгаці.
Бестын правіць
Бестын, «сталіца» Татуіна, знаходзіцца на захад ад Мос Эйслі ля паўднёва-заходняга Дзюннага мора. Гэта адно з першых паселішчаў на планеце. У Бестыне абсталявала сваю аперацыйную базу Галактычная імперыя, у ратушы знаходзілася сядзіба мясцовага губернатара. Гэта падрабязна прадстаўлена ў «Star Wars Galaxies».
Дзюннае мора правіць
Дзюннае мора — вялікая пясочная раўніна ля Анкархеду, Моса Эйслі і станцыі Тошы. Населенае пясочнымі людзьмі, явамі, рэйдамі, д’юбакамі і крайт-цмокамі. Водаздабыўцы размяшчаюць у Дзюнным моры свае апараты для здабывання вільгаці з паветра.
Вялікая яма Каркуна правіць
Вялікая яма Каркуна знаходзіцца ў Дзюнным моры. Гэта вырытая сарлакам глыбокая адтуліна ў пяску, якую ён выкарыстоўвае, каб лавіць ахвяры. Ля вялікай ямы Каркуна адбываецца сутычка Люка Скайуокера з аховай Джабы дэ Хата. Большасць прыслужнікаў і сам Джаба гінуць у гэтай упадзіне.
Палац Джабы правіць
Палац Джабы знаходзіцца ў пустыні пад назвай Дзюннае мора. З падзей у гэтай рэзідэнцыі ватагі злодзеяў пачынаецца VI эпізод «Вяртанне джэдая». Першапачаткова палац быў манастыром, збудаваным загадкавымі мніхамі б’амарамі, якія дагэтуль жывуць там.
Юндлендскія штрэкі правіць
Юндлендскія штрэкі займаюць большую частку ўмеранай зоны Татуіна. Гэта скалісты рэгіён, вядомы сваімі шматлікімі ўцёсамі і мноствам утоеных пагрозаў. На краі юндлендскіх штрэкаў у маленькай хаціне жыў Обі-Ван Кенобі ў той перыяд, калі ён сустрэў маладога Люка Скайуокера, што працаваў на вільгацездабыўчай ферме сваіх родных.
Водаздабыўчыя фермы правіць
Водаздабыўчыя фермы — маленькія сельскагаспадарчыя паселішчы ў пустынях Татуіна, якія здабываюць вільгаць з паветра і накапляюць яе ў калектарах, усталяваных на вялікай плошчы. Менавіта гэтым займаюцца сваякі Люка Скайуокера дзядзька Оўэн і цётка Беру, якія ўзялі яго на выхаванне.
Мос Эйслі правіць
Мос Эйслі — горад-касмапорт. У «Эпізодзе IV: Новая надзея» Обі-Ван Кенобі апісвае Мос Эйслі як «гнюсны вулей мярзоты і падступнасці». У Мосе Эйслі размяшчаюцца бар «Мос Эйслі Кантына» і аркестр «Figrin D’an and the Modal Nodes».
Мос Эйслі Кантына правіць
«Мос Эйслі Кантына», афіцыйная назва Шынок Чалмуна — бар у Мосе Эйслі, прытулак пілотаў-фрахтоўнікаў і іншых падазроных асоб розных расаў. У «Star Wars Holiday Special» «Кантынай» кіруе Акмена (Беа Артур).
Мос Эспа правіць
Мос Эспа — горада, вядомае своеасаблівымі купальнымі будынкамі. У «Эпізодзе I: Уяўная пагроза» тут тусуюцца хуткасныя гоншчыкі і жывуць Энакін Скайуокер са сваёй маці Шмі. У горадзе шырока практыкуецца гандаль рабамі.
Паходжанне назвы правіць
Планета атрымала назву ад горада Татавін у Тунісе, ля якога адбываліся здымкі пустынных пейзажаў IV эпізоду[1][2][3][4]. У самім Татавіне здымкі не ладзіліся, аднак адбываліся ў некаторых іншых туніскіх мясцовасцях: у Матмаце, Таўзары і на востраве Джэрба.
Па-берберску «Тытавін» літаральна азначае «вочы», а фігуральна — «водныя струмені». Назва горада Тэтуан у паўночным Марока таксама мае падобнае паходжанне.
Зноскі
- ↑ Star Wars: The Abandoned Movie Set — blog.stuttgarter-zeitung.de Архівавана 16 чэрвеня 2015.
- ↑ 33°59’39 N 7°50’34 E — Google Maps
- ↑ GUERRILLA INNOVATION: (Star Wars Abandoned Movie Set)(недаступная спасылка). Архівавана з першакрыніцы 6 ліпеня 2013. Праверана 15 лютага 2015.
- ↑ NO MORE STARS — Rä di Martino Архівавана 7 чэрвеня 2014.
Літаратура правіць
- George Lucas, Leigh Brackett, Lawrence Kasdan, Laurent Bouzereau. Star Wars: The Annotated Screenplays. — 1997. — ISBN 0-345-40981-7.
- Star Wars: Tales from the Mos Eisley Cantina / Kevin J. Anderson (editor of anthology). — 1st paperback printing. — 1995. — ISBN 0-553-56468-4.
- Star Wars: Tales from Jabba’s Palace / Kevin J. Anderson (editor). — 1st edition. — 1995. — ISBN 0-553-56815-9.
- Daniel Wallace, Scott Kolins. The Essential guide to Planets and Moons (Star Wars). — 1st edition. — 1998. — ISBN 0-345-42068-3.