Трутнаў

Тру́тнаў (чэшск.: Trutnov, ням.: Trautenau) — горад у Кралавеградзецкім краі Чэхіі, на рацэ Упе, ля падножжа горнага масіва Крконашы. Насельніцтва 30,9 тыс. жых. (2012).

Горад Трутнаў чэшск.: Trutnov Герб Сцяг Краіна Чэхія Край Кралавеградзецкі Раён Трутнаў Каардынаты 50°33′51″ пн. ш. 15°54′24″ у. д. Кіраўнік Michal Rosa[d] Заснаваны 1260 Першая згадка 1260 Ранейшыя назвы Траўтэнау Плошча 103,36 км² Вышыня цэнтра 414 м Водныя аб’екты Zlatá Olešnice[d] і Úpa[d] Насельніцтва ▼ 30 953 чалавек (2012) Часавы пояс UTC+1, летам UTC+2 Тэлефонны код 499 Паштовы індэкс 541 01 Аўтамабільны код H (старыя TU) Афіцыйны сайт trutnov.cz Трутнаў на карце Чэхіі

Медыяфайлы на Вікісховішчы

Асноўная галіна прамысловасці горада — тэкстыльная (галоўным чынам, ільняная). Вытворчасць вырабаў са шкла.

Гісторыя

Упершыню згадваецца каля 1260, под сучаснай назвай (першапачаткова — у нямецкім варыянце) — з 1301. З канца XIV стагоддзя знаходзіўся ва ўладанні багемскай каралевы. Вытрымаў усе варожыя атакі; быў узяты толькі Янам Жыжкам у час Гусіцкіх войнаў у 1421 і двойчы (у 1642 і ў 1647) асаджваўся шведамі на працягу Трыццацігадовай вайны. Індустрыялізацыя горада пачалася ў XIX стагоддзі. У 1823 былі створаны палатняная мануфактура і шаўкаткацккая фабрыка. Да 1945 асноўнае насельніцтва горада складалі немцы, у цяперашні час — чэхі.

Славутасці

З архітэктурных помнікаў вартыя ўвагі: адзінаццаціметровая калона ў стылі барока, размешчаная на цэнтральнай плошчы горада; касцёл Нараджэння Дзевы Марыі з 64-метровай вежай і вялізнай крыптай, якая цяпер з'яўляецца канцэртнай залай; скульптурная група, якая адлюстроўвае Яна Непамуцкага і Святое Сямейства.

Паблізу Трутнава — вядомы курорт Янске Лазне.

Спасылкі

• На Вікісховішчы ёсць медыяфайлы па тэме Трутнаў
• Афіцыйны сайт горада Архівавана 11 снежня 2010. (чэшск.)