Тумака
Тумака (ісп.: Bahía de Tumaco) — бухта Ціхага акіяна, якая размешчана на паўднёва-заходнім узбярэжжы Калумбіі.
| Тумака | |
|---|---|
| ісп. Bahía de Tumaco | |
 Пляж бухты ў горадзе Тумака | |
| 1°52′ пн. ш. 78°40′ з. д.HGЯO | |
| Краіна | |
| Тып | бухта |
| Плошча | 1 061,65 км² |
| Сярэдняя глыбіня | 25-35 м |
Плошча бухты складае 1061,65 км². Найбольшая шырыня бухты 17 км, сярэдняя глыбіня 25—35 м. Межы бухты праводзяцца ад мыса Каскахаль на поўначы і да мангравых лясоў у дэльце ракі Міра на поўдні. У паўднёва-заходняй частцы бухты знаходзяцца шматлікія астравы як то: Бокаграндэ, Вакверыя, Ла Вісьёза, Сан-Андрэс-дэ-Тумака (ці Галла) і Морра. На беразе бухты месціцца горад Тумака — другі па значнасці порт краіны на Ціхім акіяне.
Верагодна, першымі еўрапецамі, якія наведалі бухту, сталі Дыега дэ Альмагра і Франсіска Пісара ў 1526 годзе.
На берагах бухты размешчана шмат цудоўных пясчаных пляжаў, за што горад Тумака атрымаў неафіцыйную мянушку «Жамчужына Ціхага акіяна».
Літаратура правіць
- Golfos y bahías de Colombia / Efraín Otero Álvarez, Lina Mosquera Aguirre, Gerardo Silva Castro, Julio César Guzmán Victoria. — Bogotá, 2002. — 189 P.