Тур дэ Франс
«Тур дэ Франс» (фр.: Le Tour de France) — самы вядомая і прэстыжная веласіпедная гонка свету, якая праводзіцца з 1903 года ў Францыі. Неафіцыйная назва — «Вялікая пятля».
| |
| Інфармацыя пра гонку | |
|---|---|
| Час правядзення | Ліпень |
| Рэгіён | Францыя і суседнія дзяржавы |
| Беларуская назва | Тур дэ Франс |
| Мясцовая назва | Le Tour de France (фр.) |
| Іншыя назвы | Вялікая пятля |
| Дысцыпліна | Шашэйная гонка |
| Спаборніцтва | Сусветны Тур UCI |
| Тып | Супервелашматдзёнка |
| Арганізатар | Amaury Sport Organisation |
| Дырэктар гонкі | Крысціян Прудом |
| Гісторыя | |
| Першая гонка | 1903 |
| Нумар гонкі | 109 (2022) |
| Першы пераможца |  Марыс Гарэн
|
| Рэкорд перамог | Жак Анкеціль Бернар Іно.svg){kind=small} Эдзі Меркс Мігель Індурайн(усё па пяць разоў) |
| Апошні пераможца |  Ёнас Вінгегор
|
_pictogram.svg){kind=small}
Гісторыя правіць
Велагонка «Тур дэ Франс» першапачаткова была заснаваная як рэкламны праект газеты L'Auto (папярэднік цяперашняга L'Équipe), яго рэдактарам і сузаснавальнікам, Анры Дэгранжам і быў закліканы канкураваць з велагонкай Парыж-Брэст-Парыж і велагонкай Бардо — Парыж.
Ідэя стварэння Тур дэ Франс належыць журналісту L'Auto Жэа Лефеўру, з якім Анры Дэгранж абедаў у парыжскім Café de Madrid 20 лістапада 1902 г. Поспех гонкі Le Tour de France стаў вялікім поспехам і для газеты L'Auto, колькасць падпісчыкаў якой вырасла ў 1903 годзе з 25 тысяч (перад Турам) да 65 тысяч пасля Тура; ў 1908 годзе колькасць падпісчыкаў газеты ўзрасла да 250 тысяч, а ў час «Тур дэ Франс» 1923 прадавалася 500 тысяч асобнікаў газеты ў дзень. Рэкордны наклад газеты быў дасягнуты на працягу «Тур дэ Франс» 1933—854 тысячы асобнікаў у дзень. Сёння Тур арганізоўвае «Таварыства Тур-дэ-Франс» — філіял Amaury Sport Organisation, які з'яўляецца часткай медыя-холдынгу, у які ўваходзіць газета L'Équipe.
Тур, які праводзіцца ў Францыі і ў блізкім замежжы, праходзіць штогод на працягу трох тыдняў у ліпені. Толькі ў час Першай (1915—1918) і Другой сусветнай вайны (1940—1946) тур быў адменены.
Прынцыпы гонкі правіць
«Тур дэ Франс» складаецца з 21 этапа: кожны этап доўжыцца адзін дзень. Кожны гоншчык павінен скончыць этап, каб яго час быў зарэгістраваны і назапашаны. Поўная працягласць гонкі — паміж 3000 і 4000 км (трасы і працягласць этапаў кожны год мяняюцца).
Генеральная класіфікацыя — ранжыраванне гоншчыкаў згодна назапашанаму часу. Пераможцам Тура становіцца той гоншчык, сумарны час якога з'яўляецца найменшым сярод усіх удзельнікаў. Магчыма выйграць ўвесь Тур, не выйграваючы ніводнага этапу (Грэг Лемонд і Альберта Кантадор зрабілі гэта ў 1990 годзе і 2009 адпаведна).
Акрамя заліку па часе існуюць і іншыя намінацыі:
- Найлепшы спрынтар;
- Найлепшы горны гоншчык;
- Найлепшы малады гоншчык.