Вікіпедыя

Тэракт у Адэне (2020)

Асноўны артыкул: Грамадзянская вайна ў Емене

30 снежня 2020 года самалёт з членамі нядаўна сфармаванага еменскага ўрада прызямліўся ў міжнародным аэрапорце Адэна на паўднёвым захадзе Емена. Калі пасажыры высадзіліся, раздаліся выбухі і стральба, у выніку чаго 25 чалавек загінулі і 110 атрымалі раненні[1]. Ніхто з пасажыраў не пацярпеў у выніку нападу, а члены еменскага кабінета былі хутка дастаўлены ў палац Машык. Пазней побач з палацам адбылася другая атака, калі будынак падвергнуўся атацы беспілотнікаў.

Тэракт у Адэне
Месца нападу Міжнародны аэрапорт Адэна
Мэта нападу члены кабінета міністраў
Дата 30 снежня 2020
Спосаб нападу выбухі бомб
Загінулыя 27
Параненыя 110

Перадгісторыя правіць

Каб справіцца з канфліктамі і супярэчнасцямі паміж урадам Емена і сепаратысцкім Паўднёвым пераходным саветам, пры падтрымцы суседняй Саудаўскай Аравіі быў сфармаваны новы кабінет міністраў[2]. Урад краіны грунтаваўся ў горадзе Адэн, што стаў часовай сталіцай міжнародна прызнаных уладаў пасля захопу горада Сана ў 2014 годзе паўстанцамі-хусітамі. Пры гэтым у апошні час урад Емена звычайна вёў сваю дзейнасць у выгнанні з Саудаўскай Аравіі.

Пасля таго, як у пачатку снежня было абвешчана аб стварэнні новага кабінета з 24 міністраў, новы ўрад на чале з прэм’ер-міністрам Саідам прыведзены да прысягі прэзідэнтам Хадзі 26 снежня ў сталіцы Саудаўскай Аравіі Эр-Рыядзе. Нядаўна сфармаваны і міжнародна прызнаны ўрад планаваў трансляваць па тэлебачанні сваё вяртанне з Саудаўскай Аравіі ў Емен, каб даць зразумець сваім грамадзянам, што «іх праблемы будуць вырашаны»[3][4][5].

Атака правіць

Самалёт з новым урадам, уключаючы прэм’ер-міністра і пасла Саудаўскай Аравіі ў Емене, прызямліўся ў аэрапорце Адэна. Падчас пасадкі самалёта ў зале прылётаў аэрапорта адбыліся два магутныя выбухі. Пасля гэтага група ўзброеных баевікоў адкрыла агонь па аэрапорце[6].

Прынамсі 27 чалавек загінулі і больш за 110 атрымалі раненні. Сярод ахвяр былі гуманітарныя работнікі і афіцыйныя асобы. Загінулі рэпарцёр еменскага тэлебачання Belqees і трое супрацоўнікаў Міжнароднага камітэта Чырвонага Крыжа, уключаючы двух еменцаў і аднаго руандыйца; трое іншых атрымалі раненні. Таксама былі параненыя 10 журналістаў. Аднак усе пасажыры ўрадавага самалёта не пацярпелі, бо яшчэ не выйшлі з самалёта, а знаходзіліся на борце. Яны былі дастаўленыя ў бяспечнае месца. Пасля тэракту целы загінулых былі выяўленыя кінутымі на ўзлётна-пасадачнай паласе і ў іншых месцах аэрапорта[7][8][9].

Наступствы правіць

Міністр інфармацыі Емена першапачаткова абвінаваціў у нападзе хусітаў, але групоўка адмаўляе сваю датычнасць. Падазрэнні таксама ўпалі на баевікоў Аль-Каіды[10]. Пазней яшчэ адзін выбух пачуўся вакол палаца Машык, прэзідэнцкага палаца ў Адэне, куды пасля нападу на аэрапорт быў пераведзены нядаўна сфармаваны кабінет Емена[11].

Зноскі правіць

  1. ↑ Mukhashaf, Mohammed (30 December 2020). "Twenty-two killed in attack on Aden airport after new Yemen cabinet lands". Reuters. Праверана 30 December 2020.
  2. ↑ "Blasts hit Yemen's Aden airport as new unity government arrives". Al Jazeera English. 30 December 2020. Праверана 31 December 2020.
  3. ↑ "New Yemen gov't sworn in after Saudi-brokered power-sharing deal". Al Jazeera English. 26 December 2020. Праверана 31 December 2020.
  4. ↑ Al-Batati, Saeed (26 December 2020). "Yemen's new government sworn in, ending months of wrangling". Arab News. Праверана 31 December 2020.
  5. ↑ "Yemen: Deadly blast as new government arrives at Aden airport". Deutsche Welle. 30 December 2020. Праверана 31 December 2020.
  6. ↑ Al-Batati, Saeed (30 December 2020). "27 dead, dozens wounded in deadly attack on Aden airport". Arab News. Праверана 31 December 2020.
  7. ↑ Taha, Rawad (30 December 2020). "Yemeni military intercepts explosive-laden drone near Aden's presidential palace". Al Arabiya English. Праверана 31 December 2020.
  8. ↑ "Yemen's PM condemns 'treacherous, cowardly' Aden airport attack". Al Jazeera English. 30 December 2020. Праверана 30 December 2020.
  9. ↑ Spencer, Richard (30 December 2020). "Attack on Yemen airport kills 25". The Times. Праверана 31 December 2020.
  10. ↑ Suspected al-Qaeda gunmen kill five south Yemen separatists. Middle East Eye (7 снежня 2020). Праверана 1 January 2021.
  11. ↑ Al-Haj, Ahmed; Magdy, Samy (30 December 2020). "Yemeni officials: Blast at Aden airport kills 25, wounds 110". Associated Press. Праверана 30 December 2020.

Спасылкі правіць

Узята з "https://be.wikipedia.org/w/index.php?title=Тэракт_у_Адэне_(2020)&oldid=4562031"