Угорскае ўрочышча

Угорскае ўрочышча (укр.: Угорське урочище) — летапіснае ўрочышча ў Кіеве, якое цяпер завецца Аскольдавай магілай.

Урочышча на пач. XIII ст. Фрагмент карты-рэканструкцыі

Назва, паводле летапіснай версіі, паходзіць ад лагера старажытных венграў («уграў»), якія праходзілі міма Кіева падчас перасялення з Прычарнамор'я на Дунай. Яшчэ да таго Угорскае ўрочышча стала месцам забойства Аскольда і Дзіра. Аскольд быў тут і пахаваны; над яго магілай пазней узведзена царква Св. Мікалая.

Ва ўрочышчы (магчыма яшчэ з часоў Аскольда) існаваў княжацкі двор, які з 1151 года быў афіцыйнай рэзідэнцыяй Ізяслава Мсціславіча. Знойдзены тут скарб дырхемаў сведчыць пра заселенасць мясцовасці ў VIII — пач. X ст. Ёсць нават здагадка, што княжацкі двор, уласна, і быў заснаваны Аскольдам (што тлумачыць, чаму яго забілі менавіта тут).

Літаратура

• Київ. Історична енциклопедія. З найдавніших часів до 1917 року