Узброеныя сілы Турцыі
Узбро́еныя сі́лы Ту́рцыі (турэцк.: Türk Silahlı Kuvvetleri) — сукупнасць войскаў Турцыі, прызначаных для абароны свабоды, незалежнасці і тэрытарыяльнай цэласнасці дзяржавы.
| Узброеныя сілы Турцыі | |
|---|---|
| турэцк.: Türk Silahlı Kuvvetleri | |
.jpg) Турэцкія марпехі праводзяць пасадку на борт MV-22 Osprey на лётнай палубе дэсантнага карабля USS Kearsarge падчас удзелу ў «Exercise Egemen» 27 кастрычніка 2015 года. | |
| Дата заснавання | XIX стагоддзе |
| У сучасным выглядзе з | 1923 года |
| Падраздзяленні |
|
| Галоўнакамандуючы | Прэзідэнт Рэджэп Таіп Эрдаган |
| Міністр нацыянальнай абароны | Хулусі Акар |
| кіраўнік Генштаба | Яшар Гюлер |
| Прызыўны ўзрост | з 20 да 41 гадоў |
| Прызыў на воінскую службу |
абавязковы заклік |
| Занятыя ў войску | 596 130 чалавек[1] |
Складаюцца з сухапутных войскаў, ваенна-марскіх сіл, ваенна-паветраных сіл, жандармерыі і берагавой аховы. Арганізацыйна ўваходзяць у склад двух міністэрстваў — Міністэрства абароны і Міністэрства ўнутраных спраў.
Сухапутныя войскі Турцыі лічацца другімі па сіле ў блоку NATO, пасля сухапутных войскаў ЗША.[2]
Колькасць асабовага баявога складу ВС Турцыі, не лічачы рэзервістаў, складае 362 284 чалавекі. Разам з грамадзянскім персаналам і супрацоўнікамі Генштаба і Мінабароны агульная колькасць кадравага складу Ўзброеных сіл Турцыі складае 401 199 чалавек. У шэрагах сухапутных войскаў, ваенна-марскіх і ваенна-паветраных сіл Турцыі служаць 25 728 старэйшых і малодшых афіцэраў, 64 655 прапаршчыкаў, 47 167 сяржантаў і 16 018 радавых (2017).[3] Для мабілізацыйнага разгортвання ў ваенны час можа быць выкарыстаны ваеннаабучаны рэзерв колькасцю да 90 000 чалавек, у тым ліку 38 000 — рэзерв першай чаргі.
Армія Турцыі камплектуецца па прызыву, прызыўны ўзрост 20—41 год, тэрмін абавязковай ваеннай службы складае ад 6 да 15 месяцаў. Па звальненню з войска грамадзянін лічацца ваеннаабавязаным і знаходзіцца ў запасе да ўзросту 45 гадоў. У ваенны час, у адпаведнасці з законам, у войска могуць быць прызваны мужчыны ва ўзросце ад 16 да 60 гадоў і жанчыны ад 20 да 46 гадоў, здольныя насіць зброю.
Вышэйшым органам аператыўнага кіраўніцтва ўзброенымі сіламі з’яўляецца Генеральны штаб, кіруе якім вярхоўны галоўнакамандуючы узброенымі сіламі. Ён прызначаецца прэзідэнтам па рэкамендацыі Савета міністраў. Яму падпарадкаваныя галоўнакамандуючыя відамі узброеных сіл: сухапутнымі войскамі (СВ), ваенна-паветранымі сіламі (ВПС), ваенна-марскімі сіламі (ВМС), жандармерыі (колькасць да 1150 тыс. чалавек) і берагавой аховы (БАХ). Паводле турэцкай табелі аб рангах, начальнік Генштаба займае чацвёрты радок пасля прэзідэнта, старшыні парламента і прэм'ер-міністра.
Станам на лістапад 2016 года начальнікам генеральнага штаба з’яўляецца Хулусі Акар, камандуючы сухапутнымі сіламі — Саліх Зэкі Чолак, ваенна-марскім флотам — Бюлент Бостаноглу, ваенна-паветранымі сіламі — Абідын Унал.
Зноскі
- ↑ 2017 Turkey Military Strength (англ.). GFP. Праверана 7 жніўня 2017.
- ↑ NATO Vows Military Support If Turkey Goes To War With Russia (англ.). MintPress News (13 кастрычніка 2015). Праверана 7 жніўня 2017.
- ↑ Турция обнародовала численность своих вооружённых сил
Спасылкі правіць
На Вікісховішчы ёсць медыяфайлы па тэме Узброеныя сілы Турцыі- Афіцыйная інтэрнэт-старонка Архівавана 6 жніўня 2017.
