Уладзімір Еўдакімавіч Снапкоўскі
Уладзімір Еўдакімавіч Снапкоўскі (нар. 22 мая 1954, Віцебск) — доктар гістарычных навук (1995), прафесар (1995).
Уладзімір Еўдакімавіч Снапкоўскі | |
---|---|
Дата нараджэння | 22 мая 1954 (69 гадоў) |
Месца нараджэння | |
Грамадзянства | |
Род дзейнасці | навуковец |
Месца працы | |
Навуковая ступень | доктар гістарычных навук |
Навуковае званне | |
Альма-матар | |
Член у |
Біяграфія правіць
Скончыў Віцебскую СШ № 20 (1971), гістарычны факультэт БДУ (1976), аспірантуру (1979) і дактарантуру (1992) пры Інстытуце гісторыі АН Беларусі.
Малодшы і старшы навуковы супрацоўнік (1979—1982), старшы навуковы супрацоўнік (1988—1993) Інстытута гісторыі, вучоны сакратар аддзялення грамадскіх навук АН Беларусі (1982—1988), адначасова (1980—1993) выкладчык кафедры новай і навейшай гісторыі гістарычнага факультэта БДУ. З 1993 года прафесар кафедры міжнародных адносін факультэта міжнародных адносін БДУ, адначасова вядучы навуковы супрацоўнік Інстытута гісторыі, таксама загадчык аддзела нацыянальных і міжнародных адносін Інстытута гісторыі (1995—2000).
Навуковая дзейнасць правіць
Даследуе беларускую эміграцыю, міжнародныя адносіны і арганізацыі ў XX стагоддзі, працуе ў галіне гістарыяграфіі ўсеагульнай гісторыі і гісторыі Беларусі, паліталогіі і сацыялогіі. Аўтар больш чым 140 навуковых і навукова-папулярных прац, у т.л. манаграфій «Беларуская ССР у ААН (1944—1985)» (Мн., 1985), «Дзве германскія дзяржавы і еўрапейская бяспека: гісторыя і сучаснасць» (Мн., 1989, у сааўтарстве з М. Г. Елісеевым), «Шлях Беларусі ў ААН. 1944—1945 гг.» (Мн., 1994) і «Знешнепалітычная дзейнасць Беларусі: 1944—1953 гг.» (Мн., 1997). Шэраг артыкулаў надрукаваныя ў Расіі, Польшчы, Аўстрыі, ЗША. Актыўна супрацоўнічае з замежнымі калегамі. У 1998 годзе як запрошаны вучоны Інстытута Гарымана Калумбійскага ўніверсітэта ў Нью-Ёрку вывучаў у ЗША сучасную палітыку ЗША і краін Захаду ў дачыненні да Беларусі.
Член Рады Беларускай асацыяцыі гісторыкаў, член Беларускай асацыяцыі палітычных навук, вучоных саветаў факультэта міжнародных адносін БДУ і Інстытута гісторыі, спецыялізаваных вучоных саветаў па абароне доктарскіх і кандыдацкіх дысертацый па палітычных навуках і па гісторыі знешняй палітыкі і міжнародных адносін пры БДУ.
Бібліяграфія правіць
- Знешнепалітычная дзейнасць Беларусі. 1944—1953 гг.. — Мінск: Беларуская навука, 1997. — 208 с. — ISBN 985-08-0028-3.
- Гісторыя знешняй палітыкі Беларусі ў 2 частках / рэд. Г.В. Мыцык. — Мінск: БДУ, 1997. — Т. 1. Ад пачаткаў дзяржаўнасці да канца XVIII ст. — 281 с. — 600 экз. — ISBN 985-445-902-0.
- Гісторыя знешняй палітыкі Беларусі ў 2 частках. — Мінск: БДУ, 2004. — Т. 2. Ад канца канца XVIII да пачатку XXI ст. — 303 с. — ISBN 985-485-268-7.
- Знешняя палітыка Рэспублікі Беларусь. — Мінск: БДУ, 2007. — 183 с. — 200 экз. — ISBN 978-985-485-521-9.
- Беларуска-расійскія адносіны. — Мінск: БДУ, 2009. — 139 с. — 100 экз. — ISBN 978-985-518-119-5.
- Беларусь у палітыцы суседніх і заходніх дзяржаў (1914 - 1991 гг.): зб. дак. і матэрыялаў у 4 тамах / склад. А.Ф. Вялікі, гал.рэд. Сяргей Мартынаў. — Мінск: Юніпак, 2010. — Т. 3. 1 верасня 1939 г. — 3 ліпеня 1944 г. — 444 с.
- Беларусь у палітыцы суседніх і заходніх дзяржаў (1914 - 1991 гг.): зб. дак. і матэрыялаў у 4 тамах / склад. А.Ф. Вялікі, гал.рэд. Сяргей Мартынаў. — Мінск: Юніпак, 2012. — Т. 2. 19 сакавіка 1921 –31 жніўня 1939 г. — 480 с.
- Беларусь у палітыцы суседніх і заходніх дзяржаў (1914 - 1991 гг.): зб. дак. і матэрыялаў у 4 тамах / склад: У.Е.Снапкоўскі, А.В.Ціхаміраў, А.В.Шарапа, А.Ф.Вялікі, гал.рэд. Сяргей Мартынаў. — Мінск: Юніпак, 2015. — Т. 4. (4 ліпеня 1944 г. – 25 жніўня 1991 г.). — 449 с.
- Беларуска-польскія адносіны (1918-1989 гг.): Даследаваньні, дакументы, ілюстрацыі і карты / склад. А.Ф. Вялікі, гал.рэд. Сяргей Мартынаў. — Мінск: Энцыклапедыкс, 2013. — 234 с. — 50 экз. — ISBN 978-985-6958-63-5.
- Знешняя палітыка Беларусі: Зб. дак. і матэрыялаў / склад. У.Е.Снапкоўскі, А.В.Ціхаміраў і А.В.Шарапа, гал.рэд. Сяргей Мартынаў. — Мінск: БДУ, 2013. — Т. 9 (2001 ― 2005 гг.). — 688 с.
- Знешняя палітыка Беларусі: Зб. дак. і матэрыялаў / склад. У.Е.Снапкоўскі, А.В.Ціхаміраў і А.В.Шарапа, гал.рэд. Сяргей Мартынаў. — Мінск: БДУ, 2014. — Т. 10 (2006–2010 гг.). — 607 с.
Заўвагі правіць
Літаратура правіць
- Снапкоўскі Уладзімір Еўдакімавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 66. — 10 000 экз. — ISBN 985-11-0035-8. — ISBN 985-11-0251-2 (т. 15).
Спасылкі правіць
- Снапкоўскі Уладзімір Еўдакімавіч на сайце анлайн-энцыклапедыі «Беларусь у асобах і падзеях»
- Снапкоўскі Уладзімір Еўдакімавіч // Кафедра міжнародных адносін факультэта міжнародных адносін БДУ