Уладзімір Фёдаравіч Міцкевіч

Уладзі́мір Фё́даравіч Міцке́віч (21 студзеня 1920 г., в. Юравічы Гомельскай губерні, РСФСР — 16 лютага 1983) — беларускі партыйны і дзяржаўны дзеяч.

Уладзімір Фёдаравіч Міцкевіч
Першы сакратар Гродзенскага абласнога камітэта КП Беларусі 12 снежня 1964 — студзень 1968
Кіраўнік урада	Ціхан Кісялёў
Папярэднік	пасада заснаваная
Пераемнік	Іван Мікуловіч
Першы сакратар Гродзенскага сельскага абласнога камітэта КП Беларусі студзень 1963 — 12 снежня 1964
Кіраўнік урада	Ціхан Кісялёў
Папярэднік	пасада заснаваная
Пераемнік	пасада скасаваная
Першы сакратар Гродзенскага абласнога камітэта КП Беларусі красавік 1962 — студзень 1963
Кіраўнік урада	Ціхан Кісялёў
Папярэднік	Рыгор Панамароў
Пераемнік	пасада скасаваная
Старшыня Мінскага аблвыканкама кастрычнік 1955 — красавік 1962
Кіраўнік урада	Мікалай Аўхімовіч Ціхан Кісялёў
Папярэднік	Фёдар Сурганаў
Пераемнік	Дзмітрый Цябут
Нараджэнне	21 студзеня 1920(1920-01-21) Юравічы, Рэчыцкі павет, Гомельская губерня, РСФСР
Смерць	16 лютага 1983(1983-02-16) (63 гады) Мінск, БССР, СССР
Партыя	КПСС (з 1944)
Адукацыя	Гомельскі заатэхнікум (1939)
Дзейнасць	палітык
Узнагароды	Медаль «За працоўную доблесць»

Біяграфія

Скончыў Гомельскі заатэхнікум (1939), ваеннае авіятэхнічнае вучылішча (1940), вышэйшую партыйную школу пры ЦК ВКП(б) – КПСС.

Працоўную дзейнасць пачаў у 1939 года заатэхнікам. У 1939—1946 гадах — у РСЧА. З 1946 года — інструктар Тамбоўскага абласнога камітэта ВКП(б), з 1948 — дырэктар Мінскай інкубатарна-птушкагадоўчай станцыі. Пасля працаваў інструктарам Мінскага абласнога камітэта КП(б) Беларусі, намеснікам начальніка Мінскага абласнога ўпраўлення сельскай гаспадаркі, з 1950 года 2-і, а пасля і 1-ы сакратар Смалявіцкага раённага камітэта КП(б) Беларусі.

З кастрычніка 1955 да красавіка 1962 года быў старшынёй Выканаўчага камітэта Мінскага абласнога Савета.

З красавіка 1962 да студзеня 1968 года ўзначальваў Гродзенскі абласны камітэт КП(б) Беларусі.

З 1968 да 1974 года быў сакратаром ЦК КП Беларусі.

З красавіка 1974 і да сваёй смерці быў першым намеснікам старшыні Савета Міністраў БССР.

Абіраўся членам ЦК (1956) і бюро ЦК (1968) Кампартыі Беларусі, з 1976 да 1983 год быў членам Цэнтральнай рэвізійнай камісіі КПСС.