Умберта Саба

Умберта Саба (італ.: Umberto Saba, 9 сакавіка 1883, Трыест — 25 жніўня 1957, Гарыцыя) — італьянскі паэт.

Умберта Саба
італ.: Umberto Saba
Асабістыя звесткі
Імя пры нараджэнні	італ.: Umberto Poli
Псеўданімы	Umberto Saba і Umberto Chopin Poli
Дата нараджэння	9 сакавіка 1883(1883-03-09)[…]
Месца нараджэння	Трыест, Аўстра-Венгрыя
Дата смерці	25 жніўня 1957(1957-08-25) (74 гады)
Месца смерці	Гарыцыя, правінцыя Гарыцыя, Фрыулі-Венецыя-Джулія, Італія
Грамадзянства	Італія  Каралеўства Італія
Дзеці	Лінучыя Саба[d]
Альма-матар	Пізанскі ўніверсітэт
Прафесійная дзейнасць
Род дзейнасці	паэт, пісьменнік, эсэіст, журналіст
Гады творчасці	з 1900
Жанр	Канцона, санет, Тэрцына, эсэ і раман
Мова твораў	італьянская мова
Прэміі	прэмія Віярэджа[d]
Подпіс
Медыяфайлы на Вікісховішчы

У першых зборніках вершаў («Маімі вачыма», 1912, і інш.) Саба развівае традыцыі Дж. Пасколі, тонка перадаючы адчуванне прыроды. З 1921 вершы аб’ядноўваюцца пад назвай «Канцаньерэ» — «Спеўнік», куды ўключаюцца наступныя зборнікі. Глыбіня і сіла паэтычнага бачання Саба вызначыліся ў зборніках «Слова» (1934), «Апошнія тварэнні» (1944 г.), дзе меланхолія, сузіральнасць паэзіі герметызму, з якой быў звязаны паэт, злучалася з багатай мелодыкай рытмічнага белага верша. Паэтычная споведзь Саба адрозніваецца выразнасцю думкі і формы, спачуваннем да людскіх пакут. У зборніках «Міжземнаморскае» (1947), «Амаль аповед» (1951) і іншых паэт выкрывае вайну і нацызм, паэтызуе працу, заклікае да пераадолення адчужэння. Творы Саба перакладзены на шматлікія мовы.

Беларускія пераклады

На беларускую мову вершы Умберта Саба перакладалі Аксана Данільчык і Лявон Баршчэўскі.

• Выбраныя вершы / Умбэрта Саба. — Мінск : Зміцер Колас, 2018. — 82, [1] с. — («Паэты планеты»). Пераклад Л. Баршчэўскага.

Спасылкі

• На Вікісховішчы ёсць медыяфайлы па тэме Умберта Саба