Умбрыевыя

У́мбрыевыя, Яўдошкавыя (Umbridae) — сямейства рыб атрада шчупакападобных.

Умбрыевыя
Умбра, ці яўдошка еўрапейская (Umbra krameri)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Protacanthopterygii Атрад:  Шчупакападобныя Сямейства:  Умбрыевыя
Міжнародная навуковая назва
Umbridae Bonaparte, 1845
Сістэматыка на Віківідах Выявы на Вікісховішчы ITIS   162146 NCBI   30950 EOL   5508 FW   265823

Апісанне

Даўжыня цела да 12 см, маса каля 30 г. Рыла кароткае, насавыя косці адсутнічаюць. Бакавая лінія адсутнічае ці слаба выражана. Хваставы плаўнік закруглены. На сківіцах дробныя зубы.

Пашырэнне

У сямейства ўключаюць 1-2 роды з некалькімі відамі. Пашыраны ў прэсных водах Паўднёва-Усходняй Еўропы і ўсходзе Паўночнай Амерыкі. Жывуць у зарослых вадаёмах з глеістым дном. Найбольш вядомая умбра, ці яўдошка еўрапейская (Umbra krameri).

Асаблівасці біялогіі

Могуць выкарыстоўваць для дыхання кісларод атмасферы. Кормяцца планктонам і бентасам.

Літаратура

• Умбрыевыя // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).