Умеа

У́меа (шведск.: Umeå) — горад на поўначы Швецыі, цэнтр аднайменнай камуны і лена Вестэрботэн.

Горад Умеа шведск.: Umeå Герб Краіна Швецыя Каардынаты 63°50′ пн. ш. 20°15′ у. д. Заснаваны 1622 Першая згадка 1314 Плошча 33,46 км² Вышыня цэнтра 12 м Насельніцтва 114 966 чалавек (2010) Часавы пояс UTC+1, летам UTC+2 Тэлефонны код 090 Паштовыя індэксы 90X XX Афіцыйны сайт umea.se (шведск.) Умеа на карце Швецыі

Медыяфайлы на Вікісховішчы

Насельніцтва — 83 249 жыхароў (па стане на 2015 год; з іх каля трэці — студэнты); найбуйнейшы па колькасці насельніцтва горад Паўночнай Швецыі і дванаццаты сярод найбуйнейшых гарадоў краіны).

У горадзе працуе самы вялікі ў паўночнай Швецыі ўніверсітэт. Пры ўніверсітэце працуе шпіталь. Умеа з’яўляецца цэнтрам медыцынскіх даследаванняў у Швецыі.

Умеа быў абраны культурнай сталіцай Еўропы на 2014 год (разам з Рыгай).

Гісторыя

Бакенская царква

Каралеўская вуліца (Kungsgatan) — тыповая вуліца Умеа з бярозавай алеяй

Умеа ўпершыню згадваецца пад 1314 і паўторна пад 1320 годам. У XV стагоддзі Умеа, як і ўвесь Норланд актыўна каланізуецца шведамі і становіцца важным гандлёвым цэнтрам. Свае першыя гарадскія прывілеі Умеа атрымаў у 1588 годзе, калі ён яшчэ знаходзіўся ў 5 км на захад ад сучаснага цэнтра горада. Аднак ужо ў 1590 годзе рака Умеэльвен выйшла з берагоў і затапіла горад: ён часова прыходзіць у заняпад. У 1621 годзе кароль Густаў II Адольф адпраўляе свайго прадстаўніка Улафа Бурэ з мэтай аднавіць горад на больш высокім месцы. Ужо праз год Умеа зноў атрымаў гарадскі прывілей, а ў 1637 годзе стаў адміністрацыйным цэнтрам лена Вестэрботэн. Цікава, што насельніцтва горада складала ў гэты час усяго сорак чалавек. У 1646 Умеа атрымаў канчатковыя гарадскія прывілеі. З 1714 па 1721 гады, у ходзе Вялікай Паўночнай вайны, горад шматразова быў спалены расійскімі войскамі, якія займалі горад і пазней — у 1809 годзе. У канцы XIX стагоддзя да таго пераважна драўляны горад быў мадэрнізаваны, у ім з’явіліся шырокія вуліцы, уздоўж якіх былі высаджаны бярозавыя алеі. З гэтага часу горад атрымаў мянушку «Горад бяроз». У 1965 годзе ў Умеа быў заснаваны першы ў Норландзе ўніверсітэт: з таго часу насельніцтва горада больш чым падвоілася.

Выдатнасці

Гарадская царква Умеа

• Царква Бакена (1501—1508 гады)
• Неагатычная Гарадская царква (1894)
• Ратуша (1890)
• Музей лена Вестэрботэн
• Парк скульптур Умедален

Гл. таксама

• Апеляцыйны суд Верхняга Норланда
• Вёска Родасэль
• Віла Шарынска
• Вэнортспаркен
• Зялёны агонь, Умеа
• Культурвэвен
• Кур’ер Вестэрботэна
• Кюркброн, Умеа
• Музей малюнкаў, Умеа
• Норландская опера
• Спаркен
• Старая турма, Умеа
• Старгатан
• Умеа Энергі
• Уместан
• Цэнтральны вакзал Умеа

Спасылкі

• На Вікісховішчы ёсць медыяфайлы па тэме Умеа