ФК Тарпеда Мінск
«Тарпеда» — беларускі футбольны клуб з горада Мінск, заснаваны ў 1947 годзе. У 1992—2004 і 2018—2019 гадах выступаў у Вышэйшай лізе чэмпіянату Беларусі. У цяперашні час гуляе ў Другой лізе.
| Тарпеда | |||
|---|---|---|---|
 | |||
| Заснаваны | 1947 | ||
| Горад | Мінск, Беларусь | ||
| Стадыён |
ФК «Мінск» Умяшчальнасць: 3000 |
||
| Чэмпіянат | Другая ліга | ||
| 2023 | 4 месца ў Мінскім дывізіёне | ||
| Сайт | Афіцыйны сайт | ||
| |||
Гісторыя правіць
У савецкія часы клуб гуляў у Чэмпіянаце БССР, пяць разоў аўтазаводцы атрымлівалі ў ім перамогу. З 1992 года «Тарпеда» удзельнічала ў Вышэйшай лізе чэмпіянату Беларусі. Найбольшы поспех клуб меў у пачатку 2000-х, калі двойчы атрымаў чацвёртае месца.
У 2005 клуб з-за фінансавых цяжкасцей перайшоў у Другую лігу, у якой адразу перамог. Але адразу пасля гэтага «Тарпеда» спыніла сваё існаванне. База клуба была перададзена новаму клубу, які ўтварыўся на аснове мінскай «Змены», — «Мінску». У 2007 клуб быў адроджаны аматарамі і заявіўся ў чэмпіянаце Мінска (чацвёрты ўзровень беларускіх ліг).
2014—2019 правіць
У лютым 2014 года клуб атрымаў пасведчанне аб дзяржаўнай рэгістрацыі[1]. У красавіку 2014 года «Тарпеда» папоўніла склад удзельнікаў Другой лігі[2]. У ліпені 2015 года стала вядома аб пачатку супрацоўніцтва «Тарпеда» з расійскай кампаніяй «Мирком»[3]. Неўзабаве склад «Тарпеда» папоўніў шэраг моцных для ўзроўня Другой лігі ігракоў, і сталічная каманда здолела выйсці ў фінальны этап, апынуўшыся вышэй за аднаго з галоўных фаварытаў сезона пінскую «Хвалю». У фінальным этапе «Тарпеда» таксама выступала паспяхова і ўжо за два туры да фінішу гарантавала выхад у Першую лігу. Паражэнне ў апошнім туры, аднак, адкінула мінчан на выніковы трэці радок.
У Першай лізе каманда значна абнавіла склад, запрасіўшы ў склад у асноўным маладых ігракоў, якія не праходзілі ў склад клубаў Вышэйшай лігі. Галоўным трэнерам стаў Павел Бацюта. Аднак, каманда хутка апынулася ў канцы турнірнай табліцы, пасля чаго ўлетку галоўным трэнерам замест Бацюты стаў Андрэй Пышнік, а каманда папоўнілася шэрагам новых ігракоў. У выніку, «Тарпеда» здолела ўзняцца ў табліцы на 9-ы радок з 14.
У сезоне 2017 «Тарпеда» стала адным з галоўных прэтэндэнтаў на выхад у Вышэйшую лігу. Аднак, паражэнне ў апошнім туры ад «Промня» (0:2) пакінула тарпедаўцаў на трэцім месцы.
У сакавіку 2018 года, пасля таго як «Крумкачы» не былі дапушчаны да ліцэнзавання ў Вышэйшай лізе на сезон 2018, «Тарпеда» атрымала месца ў элітным дывізіёне. Каманда доўгі час ішла ўнізе табліцы, аднак за тур да фінішу забяспечыла месца ў Вышэйшай лізе на наступны сезон.
У сезоне 2019, пасля неблагога пачатку (перамога над «Іслаччу» і нічыя з «Віцебскам») справы ў каманды пайшлі горш, яна апынулася ў канцы табліцы. У маі 2019 года асноўны спонсар «Тарпеда», Міхаіл Міраненкаў, адмовіўся ад фінансавання каманды, і амаль два месяцы яна існавала без грошай. У ліпені футбалісты сталі масава пакідаць клуб, аднак дырэктар Андрэй Салангін намагаўся знайсці фінансаванне і магчымасць працягнуць выступаць у чэмпіянаце. У двух апошніх матчах (у Кубку Беларусі — 28 ліпеня супраць «Клецка» і 3 жніўня супраць БАТЭ), «Тарпеда» было прадстаўлена пераважна ігракамі моладзевага складу, з вопытных былі толькі капітан Сяргей Лынько і малдаўскі легіянер Яўген Аанча, які нядаўна папоўніў склад. Неўзабаве пасля паражэння ў Кубку ад БАТЭ, 6 жніўня, клуб афіцыйна абвясціў аб зняцці з чэмпіянату[4]. Паколькі «Тарпеда» правяло палову матчаў, то ў застаўшыся матчах яму было залічана тэхнічнае паражэнне 0:3.
Пасля 2019 года правіць
У красавіку 2020 года «Тарпеда» планавала заявіцца ў Другую лігу[5], аднак не трапіла ў канчатковы спіс удзельнікаў[6]. Каманды «Тарпеда» працягвалі выступаць на аматарскім і юнацкім узроўнях.
У пачатку сезона 2021 года фан-рух клуба адмовіўся падтрымліваць клуб, пакуль у краіне працягваюцца палітычныя судовыя справы, збіццё і забойства людей за ўласныя меркаванні[7].
У сакавіку 2022 года «Тарпеда» далучылася да ліку ўдзельнікаў Другой лігі[8]. У дывізіёне горада Мінска каманда доўгі час ішла ўверсе табліцы, аднак у выніку саступіла асноўным канкурэнтам, заняла трэцяе месца і не здолела выйсці ў фінальны этап.
Папярэднія назвы правіць
- 1947—1998: «Тарпеда»
- 1999—2002: «Тарпеда-МАЗ»
- 2003—2005: «Тарпеда-СКА»
- з 2007: «Тарпеда»
Дасягненні правіць
БССР правіць
- Пераможца Чэмпіянату БССР: 1947, 1962, 1966, 1967, 1969
Рэспубліка Беларусь правіць
- Пераможца Другой лігі чэмпіянату Беларусі: 2005
- Фіналіст Кубка Беларусі: 1999/2000
- Лепшае дасягненне ў Вышэйшай лізе — 4 месца (2002, 2003)
- Пераможца аматарскага Кубка Мінска: 2008, 2009
Статыстыка выступленняў правіць
Чэмпіянат і Кубак Беларусі правіць
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992 | Першая (Д1) | 10 | 15 | 5 | 3 | 7 | 15–17 | 13 | Чвэрцьфінал | |
| 1992/93 | Першая (Д1) | 9 | 32 | 10 | 10 | 12 | 29–33 | 30 | 1/16 фіналу | |
| 1993/94 | Першая (Д1) | 6 | 30 | 9 | 15 | 6 | 18–18 | 33 | Чвэрцьфінал | |
| 1994/95 | Першая (Д1) | 6 | 30 | 11 | 10 | 9 | 36–29 | 32 | 1/8 фіналу | |
| 1995 | Першая (Д1) | 9 | 15 | 5 | 3 | 7 | 12–27 | 18 | 1/16 фіналу | |
| 1996 | Першая (Д1) | 12 | 30 | 7 | 8 | 15 | 32–53 | 29 | 1/8 фіналу | |
| 1997 | Першая (Д1) | 8 | 30 | 12 | 6 | 12 | 45–43 | 42 | 1/8 фіналу | |
| 1998 | Вышэйшая (Д1) | 7 | 28 | 12 | 8 | 8 | 44–22 | 44 | Паўфінал | Змена назваў ліг |
| 1999 | Вышэйшая (Д1) | 10 | 30 | 10 | 5 | 15 | 31–47 | 35 | Фіналіст | |
| 2000 | Вышэйшая (Д1) | 8 | 30 | 13 | 10 | 7 | 45–28 | 49 | 1/8 фіналу | |
| 2001 | Вышэйшая (Д1) | 8 | 26 | 10 | 7 | 9 | 31–32 | 37 | 1/8 фіналу | |
| 2002 | Вышэйшая (Д1) | 4 | 26 | 15 | 6 | 5 | 30–16 | 51 | 1/8 фіналу | |
| 2003 | Вышэйшая (Д1) | 4 | 30 | 19 | 7 | 4 | 54–20 | 64 | 1/16 фіналу | |
| 2004 | Вышэйшая (Д1) | 6 | 30 | 13 | 7 | 10 | 37–31 | 46 | 1/8 фіналу | Адмова і пераход у Другую лігу |
| 2005 | Другая (Д3) | 1 | 26 | 22 | 4 | 0 | 75–9 | 70 | 1/32 фіналу |  Выхад у Першую лігу
|
| 2006 | Клуб спыніў існаванне | |||||||||
| 2007 | Чэмпіянат Мінска (Д4) | 5 | 20 | 8 | 3 | 9 | 37–42 | 27 | ||
| 2008 | Чэмпіянат Мінска (Д4) | 5 | 14 | 4 | 3 | 7 | 19–33 | 15 | ||
| 2009 | Чэмпіянат Мінска (Д4) | 3 | 1/32 фіналу | |||||||
| 2010 | Чэмпіянат Мінска (Д4) | 4 | 18 | 10 | 2 | 6 | 35–17 | 32 | 1/32 фіналу | |
| 2011 | Чэмпіянат Мінска (Д4) | 1 | ||||||||
| 2012 | Чэмпіянат Мінска (Д4) | 3 | 14 | 7 | 2 | 5 | 25–20 | 23 | ||
| 2013 | Чэмпіянат Мінска (Д4) | 9 | 22 | 7 | 4 | 11 | 36–38 | 25 | ||
| 2014 | Другая — Б (Д3) | 6 | 22 | 8 | 5 | 9 | 28–26 | 29 | 1/64 фіналу | |
| Матчы за 11 месца[A] | 12 | 2 | 0 | 2 | 0 | 4–4 | ||||
| 2015 | Другая — Б (Д3) | 4 | 18 | 10 | 4 | 4 | 27–13 | 34 | 1/32 фіналу | Выхад у фінальны этап |
| Фінальны этап | 3 | 14[B] | 7 | 4 | 3 | 21–13 | 25 | Выхад у Першую лігу
| ||
| 2016 | Першая (Д2) | 9 | 26 | 9 | 6 | 11 | 35–36 | 33 | 1/16 фіналу | |
| 2017 | Першая (Д2) | 3 | 30 | 17 | 6 | 7 | 60–29 | 57 | 1/16 фіналу | Атрыманне месца ў Вышэйшай лізе |
| 2018 | Вышэйшая (Д1) | 14 | 30 | 6 | 6 | 18 | 20–41 | 24 | 1/8 фіналу | |
| 2019 | Вышэйшая (Д1) | 16 | 30 | 1 | 3 | 26 | 4–63 | 6 | 1/8 фіналу |  Зняцце з чэмпіянату[C]
|
| 2022 | Другая — Мінск (Д3) | 3 | 16 | 10 | 3 | 3 | 29–16 | 33 | 1/64 фіналу | |
| 2023 | Другая — Мінск (Д3) | 4 | 16 | 8 | 5 | 3 | 33–35 | 29 | 1/128 фіналу | |
- ↑ Стыкавыя матчы супраць клуба «Асіповічы», які заняў 6 месца ў групе А (1:1, 3:3 — паражэнне па меншай колькасці гасцявых галоў).
- ↑ Улічваючы 6 гульняў, перанесеных з 1-га раўнда. Паказчыкі ўласна ў фінальным этапе: 8 матчаў, 5—2—1, розніца мячоў 17—7.
- ↑ «Тарпеда» знялося з чэмпіянату пасля 15 праведзеных матчаў, у застаўшыхся гульнях былі залічаны тэхнічныя паражэнні з лікам 0:3.
Галоўныя трэнеры правіць
- Уладзімір Касакоўскі (1992 — люты 1997)
- Анатоль Юрэвіч (люты 1997 — кастрычнік 2001)
- Сяргей Францаў (кастрычнік 2001 — ліпень 2002)
- Сяргей Бароўскі (ліпень 2002 — чэрвень 2003)
- Аляксандр Башмакоў (чэрвень 2003 — ліпень 2004)
- Сяргей Падпалы (ліпень — снежань 2004)
- Леанід Савіцкі (2005)
- Мікалай Бранфілаў (2014—2015)
- Павел Бацюта (сакавік — чэрвень 2016)
- Андрэй Пышнік (чэрвень 2016 — снежань 2017)
- Сяргей Кабельскі (студзень — чэрвень 2018)
- Леанід Лагун (чэрвень — жнівень 2018)
- Уладзімір Нявінскі (жнівень 2018 — жнівень 2019)
Крыніцы правіць
- ↑ Официально зарегистрирован СОО "Футбольный клуб Торпедо Минск" (руск.). football.by (4 лютага 2014). Праверана 13 кастрычніка 2023.
- ↑ Бюро исполкома БФФ утвердило состав участников и календарь второй лиги (руск.). football.by (4 красавіка 2014). Праверана 13 кастрычніка 2023.
- ↑ Минское "Торпедо" объявило о начале сотрудничества с российской компанией (руск.). football.by (14 ліпеня 2015). Праверана 13 кастрычніка 2023.
- ↑ Футбол. Минское "Торпедо" снимается с чемпионата Беларуси(недаступная спасылка). Архівавана з першакрыніцы 7 жніўня 2019. Праверана 18 жніўня 2019.
- ↑ Стал известен список команд второй лиги: в заявке минское «Торпедо» и «Днепр», «Андердог» – под вопросом (руск.). by.tribuna.com (6 красавіка 2020).
- ↑ Утвержден формат проведения чемпионата страны во второй лиге (руск.). football.by (6 красавіка 2020). Праверана 13 кастрычніка 2023.
- ↑ Фанаты белорусских футбольных клубов массово объявляют о бойкоте матчей (руск.)(недаступная спасылка). TUT.BY (28 лютага 2021). Архівавана з першакрыніцы 28 лютага 2021. Праверана 28 лютага 2021.
- ↑ Футбол. Минское "Торпедо" сыграет во второй лиге чемпионата Беларуси-2022. Клуб профинансируют болельщики(недаступная спасылка). Архівавана з першакрыніцы 25 сакавіка 2022. Праверана 15 красавіка 2022.