Фелікс Канечны

Фелікс Караль Канечны (польск.: Feliks Karol Koneczny; нар. 1 лістапада 1862, Кракаў — 10 лютага 1949) — польскі гісторык, публіцыст. Доктар габілітаваны (1920).

Фелікс Канечны
польск.: Feliks Koneczny
Дата нараджэння	1 лістапада 1862(1862-11-01)
Месца нараджэння	Кракаў, Аўстрыйская імперыя
Дата смерці	10 лютага 1949(1949-02-10) (86 гадоў)
Месца смерці	Кракаў, Кракаўскае ваяводства, Польская Народная Рэспубліка
Месца пахавання	Сальваторскія могілкі[d]
Грамадзянства	Польшча
Род дзейнасці	гісторык, філосаф
Навуковая сфера	гісторыя
Месца працы	Ягелонская бібліятэка[d] Універсітэт Стэфана Баторыя Ягелонскі ўніверсітэт
Навуковая ступень	габілітаваны доктар (1920)
Альма-матар	Ягелонскі ўніверсітэт
Член у	Акадэмія ведаў[d]
Медыяфайлы на Вікісховішчы

Біяграфія

Вучыўся ў 1883—1888 гадах у Кракаўскім універсітэце. З 1891 года ад’юнкт у АН у Кракаве, з 1897 года супрацоўнік Ягелонскай бібліятэкі. З 1919 года ў Віленскім універсітэце, намеснік прафесара, прафесар надзвычайны (1920), прафесар звычайны (1922), узначальваў кафедру гісторыі Усходняй Еўропы. У 1929 годзе выступіў з крытыкай урада, за што адпраўлены ў адстаўку. У 1945 годзе выкладаў у Кракаўскім універсітэце.

Навуковая дзейнасць

У пачатку навуковай дзейнасці вывучаў гісторыю Тэўтонскага ордэна, адносіны паміж Польшчай і Вялікім Княствам Літоўскім, гісторыю Сілезіі. Аўтар навукова-папулярных прац па гісторыі, падручнікаў. Быў прыхільнікам супрацоўніцтва славянскіх народаў і польска-расійскай згоды, у 1905—1914 гадах рэдагаваў у Кракаве часопіс панславісцкага кірунку «Świat słowiański» («Славянскі свет»). Пазней набыў вядомасць рэлігійна-містычнымі працамі, у якіх развіваў месіянскія погляды на ролю Польшчы ў гісторыі і ўклад палякаў у сусветную культуру, што асабліва выявілася ў працы «Польскія Логас і Этас» («Polskіe Logos і Ethos», т. 1—2, 1921). Рабіў спробы пабудаваць тыпалогію і іерархію цывілізацый (з падкрэсленнем першынства «лацінскай цывілізацыі»).

Творы

• Jagіełło і Wіtołd. Cz. 1. Podczas unіі krewskіej (1382—1392). Lwów, 1893;
• Dzіeje Śląska. Bytom, 1897;
• Dzіeje Polskі za Jagіellonów. Kraków, 1903;
• Tadeusz Koścіuszko. Poznań, 1917 (3 wyd. Warszawa, 1996);
• Dzіeje admіnіstracjі w Polsce w zarysіe. Wіlno, 1924 (2 wyd. Warszawa, 1999);
• Polska mіędzy Wschodem і Zachodem. Lubіn, 1928;
• Lіtwa a Moskwa w latch 1449—1492. Wіlno, 1929;
• O ład w hіstorіі. Warszawa, 1983 (4 wyd. Wrocław, 2004; змешчана бібліяграфія прац К);
• Prawa dzіejowe. Cz. 1—3. Warszawa, 1985—88;
• Państwo і prawo. Kraków, 1997;
• O sprawach ekonomіcznych. Kraków, 2000.

Літаратура

• Skoczyńskі J. Koneczny: Teorіa cywіlіzacjі. Warszawa, 2003.

Спасылкі

• Канечны (Koneczny) Фелікс Караль на сайце Электронная энцыклапедыя «Вялікае Княства Літоўскае»